Saidharam Tej : మెగా హీరో సాయి ధరమ్ తేజ్ అప్పట్లో ఓ స్టార్ హీరోయిన్ తో ఎఫైర్ నడిపినట్లు పుకార్లు వినిపించాయి. బాగా దగ్గరైన ఈ జంట పెళ్లి ఆలోచన కూడా చేసారంటూ వరుస కథనాలు వెలువడ్డాయి. అయితే కొన్నాళ్ళకు విడిపోయారంటూ వార్తలొచ్చాయి. సాయి ధరమ్ తేజ్ ని బుట్టలో వేసుకున్న ఆ హీరోయిన్ ఎవరో కాదు ఢిల్లీ బ్యూటీ రాశి ఖన్నా.సాయి ధరమ్-రాశి ఖన్నా మధ్య సంథింగ్ సంథింగ్ అంటూ రెండేళ్ల క్రితం టాలీవుడ్ లో గుసగుసలు వినిపించాయి. వాళ్ళ ప్రవర్తన కూడా అనుమానాలకు తావిచ్చేదిగా ఉండేది. ఒకటి రెండు సందర్భాల్లో డిన్నర్ నైట్స్ లో పాల్గొన్నారని సమాచారం.
రాశి ఖన్నాతో సాయి ధరమ్ తేజ్ రెండు చిత్రాలు చేశారు. అనిల్ రావిపూడి దర్శకత్వంలో సుప్రీమ్ చిత్రంలో నటించారు. ఆ మూవీలో బెల్లం శ్రీదేవిగా రాశి ఆకట్టుకుంది. సుప్రీం పర్వాలేదు అనిపించుకుంది. తర్వాత చాలా గ్యాప్ ఇచ్చి 2019లో ‘ప్రతిరోజూ పండగే’ చిత్రంలో జతకట్టారు. దర్శకుడు మారుతి తెరకెక్కించిన ఈ ఫ్యామిలీ అండ్ ఎమోషనల్ ఎంటర్టైనర్ బ్లాక్ బస్టర్ హిట్ కొట్టింది. రాశి, సాయి ధరమ్ కెరీర్ లో బిగ్గెస్ట్ హిట్ గా నిలిచింది. వరల్డ్ వైడ్ ప్రతిరోజూ పండగే రూ. 34 కోట్ల షేర్ రాబట్టింది.
ఈ మూవీ సమయంలోనే రాశి ఖన్నా-సాయి ధరమ్ దగ్గరయ్యారంటూ పుకార్లు వినిపించాయి. గుసగుసలు మొదలయ్యాక ఈ జంట మధ్య దూరం పెరిగింది. సాయి ధరమ్ తో మూవీ అనంతరం విజయ్ దేవరకొండకు జంటగా వరల్డ్ ఫేమస్ లవర్ మూవీ చేసింది రాశి. ఆ మూవీలో ఆమె బోల్డ్ రోల్ చేశారు. సాయి ధరమ్ ఆమెకు దూరం కావడానికి ఇది కూడా కారణం కావచ్చు. వరల్డ్ ఫేమస్ లవర్ ఫెయిల్ కాగా… టాలీవుడ్ కి కొన్నాళ్ళు దూరమయ్యారు. ఇటీవల పక్కా కమర్షియల్, థాంక్యూ చిత్రాలతో రీఎంట్రీ ఇచ్చింది.
ఈ మధ్య కాలంలో రాశిని సాయి ధరమ్ కలిసిన దాఖలాలు లేవు. మరి ప్రచారమైనట్లు రాశితో సాయి ధరమ్ ఎఫైర్ నడిపారా లేదా? అనేది తెలియదు. రాశి ఖన్నా కమ్ బ్యాక్ చిత్రాలు పక్కా కమర్షియల్, థాంక్యూ అట్టర్ ఫ్లాప్ అయ్యాయి. ఇక టాలీవుడ్ లో ఆమెకు డోర్స్ మూసుకుపోయినట్లే. ప్రస్తుతం రాశి యోధ అనే బాలీవుడ్ మూవీతో పాటు కార్తీకి జంటగా సర్దార్ చిత్రంలో నటిస్తున్నారు. సర్దార్ తమిళ, తెలుగు భాషల్లో విడుదల కానుంది. రాశి కెరీర్ ఈ రెండు చిత్రాల విజయం పైనే ఆధారపడి ఉంది.
