తమిళ హీరో సూర్య నటించిన ‘ఆకాశమే నీ హద్దురా’ మూవీని ఇటీవలే అమెజాన్ ప్రైమ్ కొనుగోలు చేసింది. ఈ చిత్రం అక్టోబర్ 30 ఓటీటీలో రిలీజ్ కానుంది. ఈనేపథ్యంలో ఇళయదళపతి విజయ్ నటించిన ‘మాస్టర్’ మూవీకి ఒక ఓటీటీ సంస్థ 100కోట్ల ఆఫర్ ఇచ్చినట్లు సమాచారం. అయితే ఆఫర్ కు నిర్మాత ఒప్పుకోలేదని ప్రచారం జరుగుతోంది. కొంత ఆలస్యమైనా ఈ మూవీని థియేటర్లలోనే రిలీజ్ చేయాలని చిత్రబృందం ఆలోచిస్తోంది.
తమిళ ఖైదీ దర్శకుడు లోకేష్ కనకరాజ్ ‘మాస్టర్’ మూవీని తెరకెక్కించాడు. ఇందులో విజయ్ ద్విపాత్రభిమానం చేయనున్నాడు. గ్యాంగ్ స్టర్ గా.. ప్రొఫెసర్ గా కన్పించబోతున్నాడు. విలన్ పాత్రలో విజయ్ సేతుపతి నటిస్తుండటంతో ఈ మూవీపై భారీ అంచనాలు ఉన్నాయి. విజయ్ గత చిత్రం ‘బిగిల్’ తమిళంతోపాటు తెలుగులో భారీ విజయం సాధించింది. ఇండియాలోనే ఈ మూవీ 200కోట్ల మార్క్ దాటేసిందన్ టాక్ ఉంది. దీంతో ‘మాస్టర్’ మూవీని థియేటర్లలోనే విడుదల చేయాలని చిత్రబృందం భావిస్తోంది. ఏప్రిల్ 9న విడుదల కావాల్సి ఉండగా కరోనా మూవీ వాయిదా పడింది.
