Manushi chhillar: 2017 మిస్ వరల్డ్లో విన్నర్గా నిలిచి.. కిరీటాన్ని సొంతం చేసుకున్న అందాల సుందరి మానుషి చిల్లర్. అయితే, తన అందంతో పాటు, తనలోని నటనను ప్రేక్షకులకు పరిచయం చేసేందుకు సినిమాల్లోకి అడుగుపెట్టింది ముద్దుగుమ్మ. ఈ క్రమంలోనే బాలీవుడ్ స్టార్హీరో సరసన తొలి సినిమా అవకాశం దక్కించుకుంది. బాలీవుడ్ హీరో అక్షయ్ కుమార్ పృథ్వీరాజ్ చౌహాన్ జీవిత కథ ఆధారంగా తెరకెక్కుతోన్న సినిమాలో నటిస్తోన్న సంగతి తెలిసిందే. ఇందులో మానుషి హీరోయిన్గా కనిపించనుంది. తాజాగా, ఈ సినిమా టీడర్ విడుదలైంది.
ప్రముఖ బాలీవుడ్ నిర్మాణ సంస్థ యశ్రాజ్ ఫిల్మ్స్ నిర్మిస్తోన్న ఈ సినిమాకు చంద్రప్రకాశ్ ద్వివేది దర్శకత్వం వహిస్తున్నారు. ఇప్పటికే అన్ని పనులు పూర్తి చేసుకున్న ఈ సినిమా.. వచ్చే ఏడాది ప్రేక్షకులను పలకరించేందుకు సిద్ధమైంది. ఈక్రమంలోనే తన మొదటి సినిమాకు సంబంధించిన టీజర్ను సోషల్ మీడియాలో పోస్ట్ చేసింది మానుషి.
ప్రేమలో అతను ఎంతో ధైర్యశాలి. యుద్ధమంటే భయం లేనివాడు. అతనే పృథ్వీరాజ్ చౌహాన్.. వచ్చే ఏడాది థియేటర్లలో అతను మీ ముందుకు రాబోతున్నాడు. అంటూ టీజర్ లింక్ను షేర్ చేసింది. ఈ సినిమా తర్వాత ఇదే బ్యానర్లో రానున్న ద గ్రేట్ ఇండియన్ ఫ్యామిలీ సినిమాలోనూ హీరోయిన్గా ఛాన్స్ కొట్టింది. విక్కీ కౌశల్ ఇందులో హీరోగా నటిస్తున్నారు.
బెల్బాటమ్, సూర్యవంశీ వంటి సూపర్ హిట్ సినిమాలు అందుకున్న అక్షయ్.. పృథ్వీరాజ్ సినిమాలో నటించడం విశేషం సంతరించుకుంది. దీంతో ఈ సినిమాపై భారీగా అంచనాలు నెలకొన్నాయి. సంజయ్‌దత్‌, సోనూసూద్‌, సాక్షి తన్వర్‌ తదితర ప్రముఖులు ఈ సినిమాలో నటిస్తున్నారు.