SS Rajamouli Mahesh Babu Movie: సూపర్ స్టార్ మహేష్ బాబుతో దర్శక ధీరుడు రాజమౌళి ఓ పాన్ ఇండియా సినిమా తీయాలని ప్లాన్ చేసిన సంగతి తెలిసిందే. అయితే ఈ సినిమా ఎప్పుడు సెట్స్ పైకి వెళ్తుంది ? ఎలాగూ, “ఆర్ఆర్ఆర్” ఈ నెలాఖరున విడుదల కానుంది. అంటే వచ్చే నెల నుంచి రాజమౌళి ఫ్రీ అయిపోతాడు. మరి వెంటనే మహేష్ తో సినిమా స్టార్ట్ చేస్తాడా ? లేక, ఎప్పటిలాగే కొన్నాళ్ళు గ్యాప్ తీసుకుంటాడా ? ఇప్పటికి అయితే స్క్రిప్ట్ వర్క్ పూర్తి అయిందట.
కానీ,రాజమౌళి పూర్తి అయిన స్క్రిప్ట్ పై వర్క్ చేయడానికి ఆరు నెలలు టైం పెట్టుకున్నాడట. ఆ తర్వాత మహేష్ బాబు ఎప్పుడు డేట్స్ ఇవ్వగలడో తెలుసుకొని అప్పుడు సినిమా షూట్ ను ప్లాన్ చేస్తాడట. కాబట్టి.. ఇదంతా సెట్ కావాలంటే మరో ఏడాది అయినా పడుతుంది అంటున్నారు సినీ జనం. అందుకే, రాజమౌళి తన కెమెరామన్ సెంథిల్ ని వేరే సినిమా చేసుకోమని సలహా ఇచ్చాడు.
Also Read: హీరో లక్ రివర్స్ అయ్యింది.. ఇక సైడ్ క్యారెక్టర్సే దిక్కు !
ప్రస్తుతం సెంథిల్ ఒక కన్నడ – తెలుగు చిత్రాన్ని టేకప్ చేశాడు. గాలి జనార్దన్ రెడ్డి కొడుకు హీరోగా వస్తున్న సినిమాకి సెంథిలే కెమెరామెన్. ఎలాగూ మహేష్ బాబు – రాజమౌళి సినిమాకి మరో ఏడాది సమయం ఉంది కాబట్టి.. ఈ లోపు గాలి జనార్దన్ రెడ్డి కొడుకు సినిమాను పూర్తి చేస్తాడట సెంథిల్. ఆ తర్వాత మహేష్ – రాజమౌళి సినిమా మీదకు రానున్నాడు. మొత్తమ్మీద మహేష్ – రాజమౌళి సినిమా కోసం మరో రెండేళ్లు ఆగాల్సిందే.
ఇక మహేష్ కోసం విజయేంద్ర ప్రసాద్ ఆఫ్రికన్ ఫారెస్ట్ నేపథ్యంలో కథ రాశారని.. ఆ ఫారెస్ట్ లో ఉన్న నిధుల గుట్టల పై ఈ సినిమా సాగుతుందని గతంలో వార్తలు వినిపించాయి. ఫారెస్ట్ లో ఉన్న నిధుల అంటే.. ఆ నిధుల కోసం ప్రపంచ సాహస వీరులు అంతా పోటీ పడతారని.. ఎవరికీ వారు ఎత్తులకు పై ఎత్తులు వేసి క్రమంలో ప్రత్యర్థులను చంపుతూ నిధి వేటకు బయలు దేరుతారని తెలుస్తోంది.
మొత్తమ్మీద ఫారెస్ట్ లో జరిగే యాక్షన్ ఎడ్వెంచరెస్ సీన్లు అద్భుతంగా ఉంటాయని తెలుస్తోంది. ఎలాగూ యాక్షన్ సీక్వెన్స్ ను తెరకెక్కించడంలో రాజమౌళి మహా దిట్ట. కాబట్టి.. ఈ సినిమా ఎలా ఉండబోతుందో ప్రత్యేకంగా చెప్పక్కర్లేదు. పైగా ఆఫ్రికన్ ఫారెస్ట్ నేపథ్యం ఇండియన్ సినిమాకి పూర్తిగా కొత్త నేపథ్యం కూడా. ఇంతవరకు భారతీయ సినీ చరిత్రలో ఆ నేపథ్యంలో సినిమా రాలేదు. అందుకే ఇండియన్ తెర పై ఈ సినిమాకి భారీ బజ్ క్రియేట్ అవ్వడం ఖాయం.
Also Read: టుడే వైరల్ అవుతున్న క్రేజీ అప్ డేట్స్
