Mahesh Babu son Gautam Krishna Debut Movie Details
Mahesh Babu Son: మహేష్ బాబు ప్రస్తుతం రాజమౌళి(Rajamouli) సినిమా కోసం రెడీ అవుతున్న సంగతి తెలిసిందే. త్వరలో ఈ ప్రాజెక్ట్ స్టార్ట్ కానుంది. కొన్ని రోజులుగా మేకోవర్ సాధించే పనిలో ఉన్నారు. మహేష్ బాబు తన లుక్, మేక్ ఓవర్ విషయంలో ఎన్నో జాగ్రత్తలు తీసుకుంటున్నారు. ఇప్పటికే ఈ మూవీ కి సంబంధించిన స్క్రిప్ట్ వర్క్ పూర్తయిందని విజయేంద్రప్రసాద్(Vijayendra Prasad) చెప్పారు. షూటింగ్ ఎప్పుడు స్టార్ట్ అవుతుంది అనే దానిపై క్లారిటీ లేదు.
ఈ చిత్రం షూటింగ్ ప్రారంభం అయితే సినిమా కంప్లీట్ అవ్వడానికి కనీసం మూడేళ్లయినా పడుతుందని ఇండస్ట్రీ వర్గాల సమాచారం. మరోవైపు మహేష్ బాబు ఫ్యాన్స్ ఈ మూవీ అప్డేట్స్ కోసం ఆతృతగా ఎదురు చూస్తున్నారు. ఇదిలా ఉండగా.. మహేష్ లేటెస్ట్ గా షేర్ చేసిన ఫోటో ఒకటి సోషల్ మీడియాలో వైరల్ గా మారింది. మహేష్ కొడుకు గౌతమ్(Gautam) గ్రాడ్యుయేషన్ పూర్తి చేశాడు. ఈ సందర్భంగా ఓ ఎమోషనల్ పోస్ట్ చేశారు మహేష్.
గౌతమ్ ఘట్టమనేని అమెరికన్ యూనివర్సిటీలో చదువుతున్నట్లుగా తెలుస్తుంది. ఈ క్రమంలో తన గ్రాడ్యుయేషన్ డేలో సర్టిఫికెట్ తీసుకున్నాడు. ఇక తన కొడుకు గ్రాడ్యుయేషన్ కంప్లీట్ చేసినందుకు మహేష్ బాబు అత్యంత సంతోషం వ్యక్తం. ‘గర్వంతో నా హృదయం నిండిపోతుంది .. కంగ్రాట్స్ గౌతమ్ .. మున్ముందు కూడా ఇలానే ఎదుగుతూ ఉంటావు అని నాకు తెలుసు .. నీ కలల్ని వెంటాడుతూనే ఉండు.
నేను తండ్రిగా ఈ రోజు ఎంతో గర్వపడుతున్నాను’ అని మహేష్ బాబు పోస్ట్ షేర్ చేశారు. దీనిపై నమ్రత సైతం స్పందించారు. కాగా గౌతమ్ చదువు పూర్తి అయిన నేపథ్యంలో అతడు హీరోగా ఎంట్రీ ఇవ్వడానికి సిద్ధం అవుతున్నాడనే ఊహాగానాలు ఊపందుకున్నాయి. గతంలో నమ్రత… గౌతమ్ సిల్వర్ స్క్రీన్ ఎంట్రీ పై స్పందించారు. గౌతమ్ చదువుకుంటున్నాడు. చదువు పూర్తి అయ్యాక హీరో అయ్యే ఛాన్స్ ఉందన్నారు. కాబట్టి గౌతమ్ సిల్వర్ స్క్రీన్ ఎంట్రీకి సమయం దగ్గర పడిందని చెప్పొచ్చు.