Mahesh Babu: సూపర్ స్టార్ మహేష్ బాబు, రాజమౌళి కాంబినేషన్ లో తెరకెక్కబోయే సినిమా అతి త్వరలోనే సెట్స్ మీదకు వెళ్ళబోతున్న సంగతి అందరికీ తెలిసిందే. అభిమానులు ఈ సినిమా కోసం ఏళ్ళ తరబడి ఎదురు చూస్తూ ఉన్నారు. రాజమౌళి, మహేష్ బాబు తమ కమిట్మెంట్స్ ని పూర్తి చేసుకునే క్రమంలో ఈ ప్రాజెక్ట్ ఇన్ని రోజులు ఆలస్యం అయ్యింది. ఫారెస్ట్ అడ్వెంచర్ బ్యాక్ డ్రాప్ లో తెరకెక్కే ఈ సినిమా కోసం మహేష్ బాబు ని సరికొత్త లుక్ లో చూపించబోతున్నాడు రాజమౌళి. పొడవాటి జుట్టు, గుబురు గెడ్డం, సిక్స్ ప్యాక్ బాడీ తో మహేష్ ఈ చిత్రంలో చాలా కొత్తగా కనిపించబోతున్నాడు. బయట ఈ లుక్ ని మీరంతా చూసే ఉంటారు. అయితే రీసెంట్ గానే ఉండి ఎమ్మెల్యే రఘు రామ కృష్ణంరాజు డిప్యూటీ స్పీకర్ అయిన సందర్భంగా సినీ ఇండస్ట్రీ లో ఉన్న వాళ్లకు, అదే విధంగా రాజకీయ నాయకులకు ఒక డిన్నర్ పార్టీ ఇచ్చాడు.
ఈ డిన్నర్ పార్టీ కి మహేష్ బాబు కూడా ముఖ్య అతిథిగా విచ్చేసి రఘురామకృష్ణం రాజు కి శుభాకాంక్షలు తెలియచేసాడు. దీనికి సంబంధించిన ఫోటో ఒకటి ఇప్పుడు సోషల్ మీడియా లో లీక్ అయ్యింది. ఈ ఫోటో లో మహేష్ లుక్ ని చూసి అభిమానులు ఒక్కసారిగా షాక్ కి గురి అయ్యారు. ఇదేంటి నిన్నమొన్నటి వరకు రాజమౌళి సినిమా కోసం పూర్తి మేక్ ఓవర్ లో కనిపించాడు, అకస్మాత్తుగా లుక్ మార్చేశాడేంటి?, అంటే ఈ సినిమా చేయడం లేదా వంటి సందేహాలతో అభిమానులు కాస్త షాకి గురయ్యారు. ఎందుకంటే మహేష్ ఆ గెడ్డంని చాలా నెలలు కష్టపడి పెంచాడు. అలాంటిది ఒక్కసారిగా తొలగించే లోపు అందరూ ఆశ్చర్యపోయారు. ఇంతకు మహేష్ బాబు లుక్ మారడానికి అసలు కారణం ఒక యాడ్ అట. కొత్త యాడ్ షూటింగ్ కోసమే ఆయన తన లుక్ ని మార్చాడని అంటున్నారు విశ్వసనీయ వర్గాల సమాచారం.
మరోపక్క మహేష్, రాజమౌళి చిత్రం ఫిబ్రవరి నెల నుండి ప్రారంభం కాబోతుంది అంటూ రూమర్స్ వినిపిస్తున్నాయి. ఇక్కడ చూస్తే మహేష్ ఇలా మారిపోయాడు. అసలు ఈ సినిమా నిజంగా ఉందా?, ఉంటే వచ్చే ఏడాది అయినా ప్రారంభం అవుతుందా అని సోషల్ మీడియా లో అభిమానులు ఆందోళన వ్యక్తం చేస్తున్నారు. న్యూ ఇయర్ సందర్భంగా ఈ కాంబినేషన్ గురించి ఏదైనా అప్డేట్ వస్తుందని ఆశిస్తున్నారు అభిమానులు. ఒకవేళ రాకపోతే రాజమౌళి మహేష్ అభిమానుల ఆగ్రహాన్ని చూడాల్సి ఉంటుంది. మరి అప్డేట్ వస్తుందో లేదో చూడాలి. ఇది ఇది ఉండగా మహేష్ బాబు అభిమానులు న్యూ ఇయర్ సందర్భంగా ఆయన కెరీర్ లో స్టైలిష్ యాక్షన్ ఎంటర్టైనర్ గా తెరకెక్కిన ‘అతిధి’ చిత్రాన్ని గ్రాండ్ గా రీ రిలీజ్ చేయబోతున్నారు. అప్పట్లో ఈ సినిమా భారీ అంచనాల కారణం గా డిజాస్టర్ ఫ్లాప్ అయ్యింది కానీ, కాలం గడిచే కొద్దీ ఈ సినిమాకి మంచి క్రేజ్ పెరిగింది. కాబట్టి రీ రిలీజ్ లో కచ్చితంగా వర్కౌట్ అవుతుందని ఆశిస్తున్నారు ఫ్యాన్స్.
