Kooku With Jathi Ratnalu 2 Wild Card Entry: స్టార్ మా ఛానల్ లో అద్భుతమైన రేటింగ్స్ తో ముందుకు దూసుకుపోతున్న ఎంటర్టైన్మెంట్ షోస్ లిస్ట్ తీస్తే అందులో కచ్చితంగా ‘కుకూ విత్ జాతి రత్నాలు 2’ కచ్చితంగా ఉంటుంది అనడంలో ఎలాంటి సందేహం లేదు. ప్రతీ శని , ఆదివారాల్లో ప్రసారమయ్యే ఈ గేమ్ షోకి టీఆర్ఫీ రేటింగ్స్ 4 నుండి 4.5 రేంజ్ లో ఉంటుంది. మొదటి సీజన్ కంటే రెండవ సీజన్ కి అద్భుతమైన రెస్పాన్స్ వచ్చింది. అయితే ఈ సీజన్ లో భారీ ట్విస్ట్ ఇస్తూ మరో నలుగురు కంటెస్టెంట్స్ వైల్డ్ కార్డు ద్వారా ఎంట్రీ ఇవ్వబోతున్నారని టాక్. వచ్చే వారం టెలికాస్ట్ అయ్యే ఎపిసోడ్ లో ఒక కంటెస్టెంట్ ఎలిమినేట్ అవ్వబోతున్నారు. అందుకే బ్యాలన్స్ చేయడానికి ఏకంగా నలుగురు కంటెస్టెంట్స్ ని ఈ షో లోకి కొత్తగా తీసుకొని రాబోతున్నారు, వాళ్ళు ఎవరో ఒకసారి చూద్దాం.
స్టార్ మా ఛానల్ లో సూపర్ హిట్ సీరియల్ గా కొనసాగిన ‘మగువా ఓ మగువా’ సీరియల్ హీరో శ్రవణ్ కుమార్ , ఈ షో లోకి వైల్డ్ కార్డు ఎంట్రీ ఇవ్వబోతున్నాడు. ఈయనకు లేడీస్ లో ఉన్న ఫాలోయింగ్ మామూలుది కాదు. ఇదే సూపర్ హిట్ సీరియల్ లో హీరోయిన్ గా నటించిన కృతిక ఉమా శంకర్ కూడా ఈ షో లోకి వైల్డ్ కార్డు కంటెస్టెంట్ గా ఎంట్రీ ఇవ్వనుంది. ప్రస్తుతం ఈమె స్టార్ మా ఛానల్ లో నెంబర్ 1 టీఆర్ఫీ రేటింగ్స్ తో కొనసాగుతున్న ‘పొదరిల్లు’ సీరియల్ లో హీరోయిన్ గా నటిస్తోంది. ఇక ఈ షో లోకి మూడవ వైల్డ్ కార్డు కంటెస్టెంట్ గా ఎంట్రీ ఇవ్వబోతుంది పునర్నవి భూపాళం. ఈమె బిగ్ బాస్ సీజన్ 3 లో ఒక కంటెస్టెంట్ గా పాల్గొన్న సంగతి తెలిసిందే. ఇక నాల్గవ కంటెస్టెంట్ గా ఎంట్రీ ఇవ్వబోతున్న నటుడు సుమిత్ రాయ్.
అనేక సూపర్ హిట్ సీరియల్స్ లో హీరో గా , విలన్ గా నటించి బుల్లితెర ఆడియెన్స్ కి బాగా సుపరిచితుడు అయ్యాడు , వంటలు కూడా అద్భుతంగా చేస్తాడని టాక్. ఈ నాలుగు ఎంట్రీ తో , ఈ షో ఇంకా ఎంత ఎంటర్టైన్మెంట్ తో నిండిపోతుందో చూడాలి. అయితే గత వారం జాతి రత్నాలు లో మంచి క్రేజ్ సంపాదించుకున్న దీపికా గైర్హాజరు అవ్వడం గమనార్హం. వచ్చే వారం టెలికాస్ట్ అవ్వబోయే ఎపిసోడ్స్ ప్రోమో లో కూడా ఆమె లేదు. దీనిని బట్టీ ఆమె ఈ షో నుండి తప్పుకున్నట్టు తెలుస్తోంది. అదే విధంగా ఈ షో నుండి తనూజ ఎలిమినేట్ అయ్యినట్టు కూడా వార్తలు వినిపిస్తున్నాయి , ఇందులో ఎంత మాత్రం నిజముందో చూడాలి.
