NBK111 Teaser: ‘అఖండ 2’ వంటి భారీ డిజాస్టర్ ఫ్లాప్ తర్వాత నందమూరి బాలకృష్ణ డైరెక్టర్ గోపీచంద్ మలినేని తో ఒక సినిమాని మొదలు పెట్టిన సంగతి తెలిసిందే. గతం లో వీళ్లిద్దరి కాంబినేషన్ లో ‘వీరసింహా రెడ్డి’ అనే చిత్రం వచ్చింది. ఫ్యాక్షన్ బ్యాక్ డ్రాప్ లో తెరకెక్కిన ఈ సినిమా అంటే , కేవలం నందమూరి అభిమానులకు మాత్రమే కాదు , ఇతర హీరోలకు కూడా ఎంతో ఇష్టం. అలాంటి కాంబినేషన్ లో మరో సినిమా రాబోతుంది అనగానే , అంచనాలు భారీ రేంజ్ లో పెరిగాయి. ముందుగా హిస్టారికల్ జానర్ లో ఈ చిత్రాన్ని తీద్దాం అనుకున్నారు. కానీ బడ్జెట్ బాలయ్య మార్కెట్ ని మించి ఉండడం తో, ఆ సబ్జెక్టు ని పక్కన పెట్టి , యాక్షన్ ఎంటర్టైనర్ ని తెరమీదకు తీసుకొచ్చాడు. నేడు బాలయ్య పుట్టినరోజు సందర్భంగా ఈ చిత్రానికి సంబంధించిన టీజర్ ని విడుదల చేశారు.
ఇప్పటి వరకు బాలయ్య బాబు చెయ్యని యాక్షన్ జానర్ లో , ఆయన్ని చాలా స్టైలిష్ గా , న్యూ జనరేషన్ యూత్ కి దగ్గర చేసేలా ఈ చిత్రాన్ని తెరకెక్కిస్తున్నాడని ఈ టీజర్ ని చూస్తే అర్థం అవుతోంది. అయితే ఈ టీజర్ పై సోషల్ మీడియా లో ట్రోల్స్ చాలా ఎక్కువ అయ్యాయి. ఈ టీజర్ ని చూసిన వెంటనే , మాకు ఓజీ చిత్రం గుర్తుకొచ్చింది , బాలయ్య ఓజీ సినిమా చేస్తే ఎలా ఉంటుందో డైరెక్టర్ గోపీచంద్ మలినేని నేటి తరం ఆడియన్స్ కి చూపించే ప్రయత్నం చేసాడని అంటున్నారు. ఇక తమన్ అందించిన మ్యూజిక్ అయితే , జైలర్ ని నుండి కాపీ కొట్టినట్టుగా అనిపిస్తుందని , దొంగతనం చేసిన వెంటనే ఇలా దొరికిపోవడం తమన్ స్పెషాలిటీ అంటూ సెటైర్ల వర్షం కురిపిస్తున్నారు నెటిజెన్స్.
ఇలా చెప్పుకుంటూ పోతే చాలా ట్రోల్స్ ఉన్నాయి. కానీ నందమూరి అభిమానులు మాత్రం బాలయ్య ని సరికొత్తగా చూపించినందుకు సంబరాలు చేసుకుంటున్నారు. ఇకపోతే ఈ చిత్రం లో విలన్ గా మంచు మనోజ్ నటించబోతున్న సంగతి తెలిసిందే. గతం లో మంచు మనోజ్ హీరో గా నటించిన ‘ఊ కొడతారా.. ఉలిక్కి పడుతారా’ చిత్రం లో బాలయ్య కీలక పాత్ర పోషించాడు. ఇప్పుడు అదే బాలయ్య చిత్రం లో మనోజ్ విలన్ గా నటించబోతుండడం గమనార్హం. అదే విధంగా ఈ చిత్రం లో హీరోయిన్ గా నయనతార నటించబోతుందని ఇప్పటికే మేకర్స్ అధికారిక ప్రకటన చేశారు. శరవేగంగా షూటింగ్ కార్యక్రమాలను పూర్తి చేసుకుంటున్న ఈ చిత్రం , వచ్చే ఏడాది సంక్రాంతి కానుకగా ప్రేక్షకుల ముందుకొచ్చే అవకాశాలు ఉన్నాయి. ఇక సోషల్ మీడియా ని దున్నేస్తున్న #NBK111 టీజర్ ని మీకోసం అందిస్తున్నాము చూడండి .
