అందుకే విజయ్ ఫ్యాన్స్ అభిమానానికి హద్దులు ఉండవని కోలీవుడ్ లో ఒక టాక్ ఉంది. అది నిజమేనని మరోసారి నిరూపించారు ఫ్యాన్స్. అయినా తమిళయులు అందరూ అంతే.. ఒక్కసారి ఏ హీరో అయినా నచ్చితే.. ఇక ఆ హీరోని గుండెల్లో పెట్టుకుని ఆరాధించడం వారికీ ఆనవాయితీగా వస్తోంది. గతంలో హీరోయిన్లకు కూడా గుళ్లు కట్టించి పూజలు చేసిన చరిత్ర ఉంది తమిళ సినీ ప్రేక్షకులకు.
ఇక తాజాగా అలాంటి ఉదంతమే ఒకటి జరిగింది. కాకపోతే, ఈ సారి కన్నడీయులు తమిళ ఆనవాయితీని స్టార్ట్ చేశారు. కర్ణాటకకు చెందిన విజయ్ అభిమానులు విజయ్ భారీ శిలా విగ్రహాన్ని తయారు చేయించి విజయ్ కి కానుగగా అందజేయడం విశేషం. విగ్రహం చాల బాగుంది. ముఖ్యంగా కిరీటాన్ని ధరింపజేసి పూలమాలలతో శోభాయమానంగా అలంకరించారు.
ఇక ఈ విజయ్ శిలా విగ్రహాన్ని చెన్నై, పనైయూర్‌లోని విజయ్ ప్రజా సంఘం కార్యాలయం ఎదుట ఏర్పాటు చేయగా.. ఆ విగ్రహాన్ని చూడటానికి విజయ్ ఫ్యాన్స్ దూరప్రాంతాల నుండి వచ్చి మరీ.. ఆ విగ్రహంతో సెల్ఫీ కూడా తీసుకోవడం విశేషం. ఇక ఈ ఫొటోలు ప్రస్తుతం సోషల్ మీడియాలో బాగా తెగ హల్ చల్ చేస్తున్నాయి.
ఈ విగ్రహం చూసి విజయ్ కూడా థ్రిల్ ఫీల్ అయ్యారు. తన శిలా విగ్రహాన్ని బహుకరించిన కర్ణాటక ఫ్యాన్స్ కి ప్రత్యేక ధన్యవాదాలు చెప్పాడు విజయ్.
