JR NTR: దీపావళి పండగ సందర్భంగా దేశమంతటా దీపాల వెలుగులతో ప్రతి ఇల్లు విరజిల్లిపోయింది. ఇంటింటా బంధువులు, పిల్లల కోలాహలం, బాణాసంచా మెరుపులతో ఫుల్ సందడి నెలకొంది. ఈ క్రమంలోనే పండుగను పరుస్కరించుకొని ప్రతి ఒక్కరూ సోషల్ మీడియాలో ఫొటోలను షేర్ చేశారు. మరోవైపు, సినీ ప్రముఖుల ఫొటోలతోనూ సోషల్ మీడియా మొత్తం కళకళలాడుపోయింది. ఫస్ట్లుక్ పోస్టర్, ప్రోమోలు, ఫొటోలతో నెట్టింట హడావిడి చేశారు సెలబ్రిటీలు. ముఖ్యంగా జూనియర్ ఎన్టీఆర్, తన వారసులతో దీపావళి జరుపుకుంటున్న ఫొటోలు ప్రస్తుతం ట్రెండింగ్లో ఉన్నాయి. అభయ్ రామ్, భార్గవ్ రామ్ మధ్య తారక్ సంప్రదాయ దుస్తులతో కనిపంచి అభిమానులకు కనువిందు చేశారు.
తారక్ ఎప్పుడూ తన వారసుల ఫొటోలను సోషల్మీడియాలో పంచుకునేందుకు ఇష్టపడరు. అయితే, పండగవేళ ముగ్గురు ఇలా సోషల్మీడియాలో కనిపించడంతో అభిమానుల ఆనందాలకు హద్దులు లేకుండా పోయాయి. కాగా, ఇటీవల ఓ షోలో తన వారసుల గురించి స్పందించిన తారక్.. అభయ్ రామ్ చాలా సైలెంట్ గా ఉంటాడు కానీ, భార్గవ్ రామ్ చేసే అల్లరి ప్రపంచంలో ఎవరు చేయలేరని.. చిన్నప్పుడు తానూ కూడా ఇలాగే చేసేవాడినని చెప్పుకొచ్చారు.
ప్రస్తుతం తారక్ ఆర్ఆర్ఆర్ సినిమా షూటింగ్తో ఫుల్ బిజీగా ఉన్నారు. రాజమౌళి ప్రతిష్టాత్మకంగా తెరకెక్కిస్తున్న చిత్రం ఇంది. ఇందులో రామ్చరణ్ కూడా హీరోగా నటిస్తున్న సంగతి తెలిసిందే. కాగా, అజయ్ దేవగన్, ఆలియా భట్ కూడా కీలక పాత్రల్లో కనిపించనున్నారు. వచ్చే ఏడాది సంక్రాంతి కానుకగా ప్రేక్షకుల ముందుకు రానుంది సినిమా.
