Jai Bhim: తమిళ స్టార్ హీరో సూర్య ప్రధాన పాత్రోల జ్ఞానవేల్ దర్శకత్వం వహించిన సినిమా జై భీమ్. ఈ సినిమా అక్టోబరు 2న అమెజాన్ ప్రైమ్లో విడుదలై.. మంచి టాక్తో దూసుకెళ్లిపోతోంది. ఈ ఏడాది కూడా కరోనా ప్రభావంతో థియేటర్లకు కాస్త కష్టంగానే గడిచిందని చెప్పాలి. అయితే, ఈ ఏడాది ద్వితీయార్థంలో పెద్ద సినిమాలు విడుదలవ్వడం కాస్త ఊరట కలిగించింది. డిసెంబరులో అయితే, ఏకంగా సినిమా పండగే వచ్చంది. పెద్ద సినిమాలన్నీ వరుసగా విడుదలకు సిద్ధంగా ఉన్నాయి. కానీ, గతేడాది లాగే పలు చిత్రాలు ఓటీటీ వైపు అడుగులేశాయి. ఈ క్రమంలోనే గూగుల్ ఈ ఏడాది ప్రేక్షకులు అత్యధికంగా సర్చ్ చేసిన జాబితాలో చోటు సంపాదించుకున్న సినిమాల జాబితాను విడుదల చేసింది.
Jai Bhim
ఆ లిస్ట్లో సూర్య నటించిన జైభీమ్ మొదటి స్థానంలో నిలిచింది. ఇప్పటికే ఎన్నో రికార్డులు నెలకొల్పిన ఈ సినిమా ఇప్పటికీ ఆ జోష్తో కొనసాగుతోంది. 2020లో సూర్య హీరోగా వచ్చన ఆకాశం నీ హద్దురా సినిమా తొలిసారి గోల్డెన్గ్లోబ్ నామినేషన్స్లో నిలిచింది. ఇప్పుడు జైభీమ్ గూగుల్ సర్చ్ 2021లో టాప్లో నిలిచి సూర్య ఖాతాలో మరో అరుదైన రికార్డును క్రియేట్ చేసింది.
Also Read: సూర్య ‘జైభీమ్’ తెరవెనుక అసలు కథ.. 1993లో కర్ణాటకలో రియల్ రసకణ్ణును ఏం చేశారు..?
ఈ సినిమా తర్వాత సిద్ధార్థ్ మల్హోత్రా షేర్హా రెండో స్థానంలో, సల్మాన్ నటించిన రాధే మూడో స్థానంలో.. బెల్ బాటమ్, ఎటర్నల్స్, మాస్టర్, సూర్యవంశీ, గాడ్జిల్లా vs కాంగ్, దృశ్యం 2, భుజ్: ది ప్రైడ్ ఆఫ్ ఇండియా చిత్రాలు ఈ జాబితాలో చోటుదక్కించుకున్నాయి. దీంతో పాటు సెలబ్రిటీల గురించి కూడా ఎక్కువగా సర్చ్ చేసినట్లు ప్రకటించింది గూగుల్. ఆర్యన్ ఖాన్, షెహనాజ్ గిల్, రాజ్ కుంద్రా, నటాషా దలాల్ టాప్ 10లో నిలిచారు.
