Dil Raju lying about Toxic: సినిమాని పబ్లిసిటీ చేసే విషయం లో ఎన్నో రకాలు ఉంటాయి. కొన్ని సినిమాలకు కావాలని ఉద్దేశపూర్వకంగా ఎక్కువ వసూళ్లు వచ్చాయని పోస్టర్స్ లో చూపించి జనాలను ఆకర్షించే ప్రయత్నం చేస్తుంటారు. ఈమధ్య కాలం లో ఇది సర్వసాధారణం అయిపోయింది. జనాలను థియేటర్స్ కి రప్పించే టెక్నీక్స్ లో ఇదొకటి పద్దతి అనుకోవచ్చు. కొంతమంది అయితే ఫ్లాప్ సినిమాలకు కూడా భారీ వసూళ్లు వచ్చాయని పోస్టర్లు దింపి నవ్వులపాలు అయ్యారు. అందుకు బెస్ట్ ఉదాహరణ దిల్ రాజు(Dil Raju). గత ఏడాది ఆయన ఏ సినిమాకు అలాంటి ఫేక్ కలెక్షన్స్ పోస్టర్ వేశాడో ప్రత్యేకించి చెప్పనవసరం లేదు. ఇప్పుడు మరోసారి కూడా ఆయన అలా ఫేక్ ప్రచారం తో తన సినిమాకు పబ్లిసిటీ చేసుకోవాలని చూస్తున్నాడు. రీసెంట్ గానే ఆయన కన్నడ హీరో యాష్(Rocking Star Yash) నటించిన ‘టాక్సిక్'(Toxic Movie) మూవీ తెలుగు వెర్షన్ రైట్స్ ని కొనుగోలు చేశాడు.
ఈ చిత్రం థియేట్రికల్ రైట్స్ కోసం దాదాపుగా 120 కోట్లు ఖర్చు చేసానని దిల్ రాజు చెప్పుకొచ్చాడు. రీసెంట్ గా ఆయన పాల్గొన్న ఒక ప్రెస్ మీట్ లో విలేఖరి ఆయన్ని ఒక ప్రశ్న అడుగుతూ ‘మీరు టాక్సిక్ చిత్రాన్ని 120 కోట్ల రూపాయలకు కొన్నాను అని చెప్పుకొచ్చారు. ఇది సినిమా కోసం కేవలం మీరు ఉపయోగించిన పబ్లిసిటీ స్టంట్ అని అందరూ అంటున్నారు, దీనికి మీరు ఏమని సమాధానం చెప్తారు?’ అని అడగ్గా, దానికి దిల్ రాజు సమాధానం చెప్తూ ‘త్వరలోనే వాళ్లకు నా అకౌంట్ నుండి డబ్బులు పంపబోతున్నాను. అప్పుడు ఇలా కామెంట్ చేసినవాళ్లందరికీ చూపిస్తాను, అప్పుడు అర్థం అవుతుంది ఏది నిజం, ఏది అబద్దం అనేది’ అంటూ దిల్ రాజు వ్యంగ్యంగా సమాధానం చెప్పాడు. అంటే ఆయన ఈ పబ్లిసిటీ ఇలాగే కొనసాగాలని అనుకుంటున్నాడు. యాష్ గత చిత్రం ‘KGF చాప్టర్ 2’ భారీ హైప్ తో విడుదలై మంచి పాజిటివ్ టాక్ తెచ్చుకుంటేనే 85 కోట్ల రూపాయిల షేర్ వసూళ్లు తెలుగు రాష్ట్రాల నుండి వచ్చింది.
అలాంటిది ‘టాక్సిక్’ చిత్రానికి ఇంత రేట్ పెట్టి కొనడమా?, దిల్ రాజు కచ్చితంగా జనాల చెవిలో పువ్వు పెడుతున్నాడు, అందులో ఎలాంటి సందేహం లేదంటూ సోషల్ మీడియా లో నెటిజెన్స్ చెప్పుకొస్తున్నారు. ఆయన ఇది కేవలం హైప్ కోసమే చేసాడని స్పష్టంగా తెలుస్తోంది. ఎందుకంటే ఈ సినిమా విడుదలయ్యే రోజునే ‘ధురంధర్ 2’ చిత్రం విడుదల కాబోతుంది. ఆ తర్వాత వారం రోజులకు పవర్ స్టార్ పవన్ కళ్యాణ్ ‘ఉస్తాద్ భగత్ సింగ్’ చిత్రం విడుదల కాబోతుంది. భారీ పోటీ ఉన్నందున, ఆ పోటీ ని తట్టుకోవడం కోసం, తమ సినిమాకు తెలంగాణ టికెట్ హైక్స్ కోసం దిల్ రాజు ఆడిన ఆట ఇది అని అంటున్నారు నెటిజెన్స్.
