Sai Pallavi: ప్రస్తుత తరం హీరోయిన్స్ లో సాయి పల్లవి రూట్ సపరేట్. నిజంగానే రహదారిలో వెళ్తుంది ఈ నటి. ఎందుకు అంటే రెమ్యూనరేషన్ కి పెద్దగా ఇంపార్టెన్స్ ఇవ్వదు.. అలానే ఎక్స్పోజింగ్ చెయ్యదు.. తనకు కథ అలానే ఆ కథలోని తన పాత్ర నచ్చితేనే సినిమాని ఒప్పుకుంటుంది. అందుకే ఇప్పటివరకు ఈ హీరోయిన్ నటించిన సినిమాలు అన్ని ఆమెను నటి గా ఒక్కో మెట్టు ఎక్కిస్తూనే వచ్చాయి.
అంతేకాకుండా ఎన్నో కోట్ల రెమ్యునరేషన్ ఇస్తాము అన్నా కానీ కొన్ని అడ్వటైజ్మెంట్ లు చేయడానికి అలానే కొన్ని పాత్రలు చేయడానికి ఒప్పుకోలేదు సాయి పల్లవి. ఈ నేపథ్యంలో తాను డబ్బుకి అంతగా విలువ ఇవ్వదా అనే విషయం పైన చర్చ రాగా అందుకు సమాధానం చెప్పింది ఈ హీరోయిన్.
ఇలా ఉండటానికి తన తల్లిదండ్రులే కారణమని సాయి పల్లవి చెబుతోంది. సాయి పల్లవి తల్లిదండ్రులు డబ్బులు ఒక ఫ్యాక్టర్ గా ఎప్పుడూ చూడలేదట. నీకైదైనా కావాలా, నీకు అది అవసరమా లేదా, అవసరం అంటే కొనేద్దామని లేకపోతే వద్దు అని తల్లిదండ్రులు ఆమెకు చెప్పే వారట. డబ్బు ఉన్నాయా? మన దగ్గర లేవా?
అనే దాంతో సంబంధం లేకుండా ఆలోచించేలా తనని పేరెంట్స్ పెంచినట్లు ఆమె తెలిపింది.
డబ్బు మన నిర్ణయాలను ఎప్పుడూ ఇన్‌ఫ్లూయెన్స్ చేయకూడదని తన తల్లిదండ్రులు నేర్పించిన మంచి గుణం తనకి వచ్చినట్లు సాయి పల్లవి ఒక ఇంటర్వ్యూలో చెప్పుకొచ్చింది. అలాగే తల్లిదండ్రుల నుంచి డబ్బులు అడుక్కొని కొనుక్కోవడం బాగా అలవాటైందని వెల్లడించింది.
అలాగే తల్లిదండ్రుల నుంచి డబ్బులు అడిగి కొనుక్కోవడం బాగా అలవాటైందని వెల్లడించింది. హీరోయిన్ అయ్యాక కూడా ఇప్పటికీ తన తల్లిని అడిగే ప్రతిదీ ఖర్చు పెడతానని చెప్పింది.ఆఖరికి స్విగ్గీలో ఆర్డర్ చేసినా డబ్బులు చెల్లించేందుకు తన మమ్మీనే ఓటీపీ అడగాలని పేర్కొంది. ఏది కొనాలన్నా తన తల్లిని అడిగి కొనుగోలు చేస్తానని, వారి ముందు ఇప్పటికీ చిన్న పిల్ల లాగా ఫీల్ అవుతానని ఈ టాలెంటెడ్ యాక్ట్రెస్ చెప్పుకొచ్చింది.అయితే ఇప్పటికీ ప్రతిదీ వారిని అడగటం వారికి భారంగా ఉంటుందేమోనని భయం వేస్తుందని ఈ ముద్దుగుమ్మ అన్నది. అయితే ఒక్కోసారి ఖర్చులు ఎక్కువ అవుతున్నాయి అని కూడా తన తల్లి ఆరా తీస్తుందని, అప్పుడు ఇతరుల కోసం డబ్బు ఖర్చు పెట్టాల్సి వచ్చిందమ్మా అని చెప్తానని తెలిపింది.
ఇక ప్రస్తుతం ఈ హీరోయిన్ చేసిన ఈ వ్యాఖ్యలు సోషల్ మీడియాలో తెగ వైరల్ అవుతున్నాయి.