Neymar Movie: ఒక చిన్న ఊరకుక్కతో ఎంత అద్భుతం చేశారు.. కన్నీళ్లు తెప్పిస్తున్న ఈ మూవీ..

Neymar Movie: ఈ మధ్య చిన్న సినిమాలకు మంచి డిమాండ్ పెరుగుతోంది. కథను నమ్ముకొని థియేటర్లకు వచ్చిన చిత్రాలు పెద్ద సినిమాలతో పోటీ పడుతున్నాయి. తక్కువ బడ్జెట్ తో నిర్మించే ఇవి మంచి కలెక్షన్లు సైతం సాధిస్తున్నాయి. ఇలాంటి వాటిలో ‘సెయిమర్’ ఒకటి. ఇది తెలుగు సినిమా కాకపోయినా ఓటీటీలో అన్ని భాషల వారిని ఆకట్టుకుంటోంది. ఇటీవల కొందరు ఈ మూవీ గురించి సోషల్ మీడియాలో హాట్ హాట్ గా చర్చించుకుంటున్నారు. ఇంతకీ ఈ సినిమాలో అసలు ఏముంది? అనే వివరాల్లోకి వెళితే..

‘నెయిమర్’ మూవీ భారీ బడ్జెట్ చిత్రం అస్సలు కాదు. అలాగని పెద్ద స్టోరీ కాదు. సింపుల్ పాయింట్ ను అనేక మలుపులతో అద్భుతంగా తీర్చిదిద్దాడు డైరెక్టర్ సుధీ మాడిషన్. అంతేకాకుండా ఇందులో ఏ ఒక్క నటుడిని హైలెట్ చేయకుండా అందరికీ సమాన ప్రాధాన్యత ఇవ్వడంతో సినిమా స్టోరీపైనే ఫోకస్ ఏర్పడుతుంది. మలయాళ భాషకు చెందిన ఈ చిత్రం మే 12న థియేటర్లలో రిలీజ్ అయి విజయవంతంగా 50 రోజులు నడిచింది ఆ తరువాత ఆగస్టు 8 నుంచి ‘డిస్నీ హాట్ స్టార్’ లో ప్రసారం అవుతోంది.

ప్రధానంలో ఇందులో ఉండే ఎమోషన్స్ బాగా ఆకట్టుకుంటుంది. ఈ స్టోరీ లోకి వెళితే.. కుంజువ (మాథ్యు థామస్), సింటో (నస్లెన్) ఫుట్ బాలు అభిమానులు. వీరి తండ్రులు ఒకప్పటి స్నేహితులు. అయితే కొన్ని కారణాల వల్ల విడిపోతారు. ఈ నేపథ్యంలో కుంజువ, సింటో లు ఎయిర్ ఫోర్స్ లో ఉద్యోగం చేయాలనుకుంటారు. కానీ ఇదే సమయంలో కుంజువ డోనా అనే అమ్మాయిని ప్రేమిస్తాడు. ఆమెకు కుక్కపిల్లలంటే ఇష్టం. దీంతో ఆమెను ఇంప్రెస్ చేయడానికి ఓ వీధి కుక్కను తీసుకొచ్చి ఇస్తాడు. దానిపేరే ‘నెయిమర్’. ఈ స్టోరీ మొత్తం ఈ కుక్కపిల్ల చుట్టే తిరుగుతూ ఉంటుంది.

ఈ సినిమా పూర్తిగా కామెడీ ట్రాక్ లో నడిచినా ఎమోషన్స్ బాగా ఆకట్టుకుంటుంది. సెకండాప్ లో గాబ్రియల్ కు వెంకట్ తో ఉన్న శత్రుత్వలో భాగంగా ఒకరిపై ఒకరు గెలవడానికి ప్రయత్నిస్తూ ఉంటారు. అయితే వారిద్దరి ప్రతిష్టలు ‘నెయిమర్’తో ముడిపడి ఉంటాయి. దీంతో కొంచెం సస్పెన్స్ కూడా ఆకట్టుకుంటుంది. క్లైమాక్స్ లో విపరీతమైన భావోద్వేగాలు ప్రేక్షకులను వేరే లోకంలోకి తీసుకెళ్తాయి. మొత్తంగా ఈ మూవీ అన్ని వర్గాల వారికి ఆకట్టుకునే ప్రయత్నం చేస్తోంది.