Shekar Movie: ప్రస్తుతం సినిమాలన్నీ ఓటీటీవైపే అడుగులేస్తున్నాయి. కరోనా తర్వాత థియేటర్లు మూతపడటంతో ఈ ఓటీటీల హవా పెరిగిపోయింది. ప్రేక్షకులు కూడా ఎక్కువగా థియేటర్ల వైపు మొగ్గు చూపకపోవడం వల్ల సినిమాలన్నీ ఓటీటీల్లోనే విడుదలకు సిద్ధమవుతున్నాయి. ఈ క్రమంలోననే చిన్న చిన్న సినిమాలు మాత్రమే నేరుగా ఓటీటీల్లో విడుదలవుతున్నాయే తప్ప.. పెద్ద సినిమాలేవీ ఇందులో నేరుగా విడుదలకు రావడం లేదు. ఈ నేపథ్యంలోనే ఓ సినిమాపై అన్ని ఓటీటీలు కన్నేశాయి.. అదే రాజశేఖర్ హీరోగా వస్తోన్న శేఖర్ సినిమా.
ఈ సినిమాను డైరెక్ట్ రిలీజ్ కింద తీసుకునేందుకు కొన్ని ఓటీటీలు దర్శకనిర్మాతలను సంప్రదించినట్లు సమాచారం. ఇందులో భాగంగానే ఫ్యాన్సీ ధరలను ఆఫర్ చేశాయట. తాజా సమాచారం ప్రకారం.. శేఖర్ సినిమా స్ట్రీమింగ్ రైట్స్ కోసం 22 నుంతి 25 కోట్లు వరకు ఆఫర్లు వచ్చినట్లు తెలుస్తోంది.
Also Read: హీరో రాజశేఖర్ ఆ మూవీలు చేసి ఉంటేనా?
అయితే, ఓటీటీ సంస్థలన్నీ శేఖర్ సినిమాపై ఇంత కేర్ తీసుకోడానిక రెండు ప్రధాన కారణాలున్నాయి. ప్రస్తుతం ఈ సినిమా లాంటి జానర్లు ఓటీటీల్లో బాగా ట్రెండ్ అవుతున్నాయి. మరోవైపు ఈ సినిమా మలయాళంలో హిట్గా నిలిచిన జోసెఫ్కు రీమేక్గా తెరకెక్కింది. దీంతో శేఖర్ సినిమాపై అన్ని కోట్లు కుమ్మరిస్తున్నట్లు సమాచారం. మరోవైపు ఇటీవలే విడుదలైన ఈ సినిమా గ్లింప్స్ వీడియోకు క్రేజ్ మాములుగా రాలేదు. ఈ క్రమంలోనే మరిన్ని ఆఫర్లు పెరిగినట్లు తెలుస్తోంది.
Also Read: తొలిసారి డైరెక్టర్ కామెంటరీతో ఓటీటీలో సినిమా.. అసలు అందులో ఏముంటుంది?
ఈ సినిమా రీమేక్ అయినప్పటికీ.. తెలుగు ప్రేక్షకులకు తగ్గట్లు కథ, స్క్రీన్ ప్లేలో మార్పులు చేసినట్లు సమాచారం. ఈ రీమేక్ మూవీకి జీవిత రాజశేఖర్ డైరక్టర్. స్క్రీన్ ప్లే విభాగం కూడా ఆమెనే చూసుకుంటున్నారు. అనూప్ రూబెన్స్ ఈ సినిమాకు సంగీతం అందిస్తున్నారు.
