How Did Prabhas Came Into The Story Returned For Mahesh Babu..?
Mahesh Babu: సినిమా ఇండస్ట్రీలో ఒకరి కోసం రాసుకున్న కథలోకి మరొక హీరో వచ్చి సినిమా చేయడం సర్వసాధారణంగా జరుగుతూనే ఉంటుంది. ఇక ఇప్పటి వరకు చాలామంది దర్శకులు ఒక హీరో కోసం రాసుకున్న కథను మరొక హీరోతో చేసి సూపర్ సక్సెస్ అందుకున్నారు. అలాగే కొంతమంది డిజాస్టర్లను కూడా మూటగట్టుకున్నారు.. ఇక తెలుగు సినిమా ఇండస్ట్రీలో సూపర్ స్టార్ గా గుర్తింపు పొందిన మహేష్ బాబు లాంటి స్టార్ హీరో సైతం చాలా సినిమాలను మిస్ చేసుకున్నాడు.
ఆయన మిస్ చేసుకున్న సినిమాల ద్వారా మరి కొంతమంది హీరోలు స్టార్ హీరోలుగా కూడా గుర్తింపు సంపాదించుకున్నారు. ఇలాంటి క్రమంలోనే ఒక స్టార్ డైరెక్టర్ మహేష్ కోసం రాసుకున్న కథలో ప్రభాస్ వచ్చి చేరిన విషయం మనలో చాలామందికి తెలియదు. పూరి జగన్నాధ్ లాంటి స్టార్ డైరెక్టర్ మహేష్ బాబుతో పోకిరి అనే సినిమా చేసి సూపర్ సక్సెస్ ని అందుకున్నాడు. ఇక ఈ సినిమా ఇచ్చిన ఉత్సాహంతో ఆయన వరుసగా సినిమాలు చేస్తూ సక్సెస్ లను అందుకోవడమే కాకుండా ఇండస్ట్రీలో ఉన్న స్టార్ హీరోలందరితో సినిమాలు చేసి మంచి విజయాలను దక్కించుకున్నాడు.
పూరి జగన్నాథ్ ప్రభాస్ తో చేసిన బుజ్జిగాడు సినిమా స్టోరీని మొదట మహేష్ బాబు కోసం రాసుకున్నాడట. కానీ మహేష్ బాబు ఆ టైంలో కొంచెం బిజీగా ఉండడం వల్ల పూరి ఈ సినిమాని ప్రభాస్ తో చేసినట్టుగా పలు సందర్భాల్లో తెలియజేశాడు. మహేష్ బాబుకి ఆ సినిమా చేయాలని ఉన్నప్పటికీ అంతకు ముందే మహేష్ బాబు త్రివిక్రమ్ దర్శకత్వంలో ఖలేజా సినిమా కమిట్ అయ్యాడు. అయితే ఈ సినిమా చాలావరకు లేట్ అవుతూ వచ్చింది. దానివల్ల పూరి జగన్నాథ్ సినిమాల పరంగా అప్పట్లో చాలా ఫాస్ట్ గా తీస్తూ ఉండేవాడు. కాబట్టి మహేష్ బాబు కోసం వెయిట్ చేసే ఓపిక లేక ప్రభాస్ తో ఈ సినిమాని చేశాడు.
ఇక అటు ప్రభాస్ కి ఇటు పూరి జగన్నాథ్ కి ఈ సినిమా మంచి పేరు తీసుకొచ్చి పెట్టిందనే చెప్పాలి. ఇక ముఖ్యంగా ప్రభాస్ డైలాగ్ డెలివరీ అయితే వేరే లెవల్లో ఉంటుంది. ఇప్పటికి ఆ సినిమా డైలాగులను మనం తరుచూ వాడుతూ ఉంటాం అంటే ఈ సినిమాతో పూరి జగన్నాథ్, ప్రభాస్ జనాల్లో ఎంతటి ఇంపాక్ట్ ను క్రియేట్ చేశారో మనం అర్థం చేసుకోవచ్చు. ఇక ఈ సినిమా చూసిన చాలామంది ఈ సినిమా లో మహేష్ బాబు చేయడం కంటే ప్రభాస్ చేయడమే చాలా బెటర్ అయిందని ఇది ప్రభాస్ కే బాగా సెట్ అయిందని కామెంట్లు చేస్తున్నారు. ఒకవేళ మహేష్ బాబు చేసి ఇంటే అంత బాగా సెట్ అయ్యేది కాదేమో అంటూ వాళ్ళ అభిప్రాయాలను కూడా తెలియజేస్తూ ఉంటారు.
ఇక మొత్తానికైతే మహేష్ బాబు చేయాల్సిన సినిమాను ప్రభాస్ చేసి ఒక అద్భుతమైన సక్సెస్ ను దక్కించుకున్నాడు… ఇక నిజ జీవితంలో మహేష్ బాబు ప్రభాస్ చాలా మంచి ఫ్రెండ్స్ అనే విషయం మనకు తెలిసిందే. వీళ్లిద్దరూ తరుచూ కలుసుకుంటూ ఉంటారనే విషయాన్ని కూడా ప్రభాస్ పలు సందర్భాల్లో తెలియజేశాడు… ఇక రీసెంట్ గా ప్రభాస్ కల్కి సినిమాతో భారీ సక్సెస్ ను అందుకున్నాడు. అలాగే ప్రస్తుతం మారుతి డైరెక్షన్ లో ‘ రాజసాబ్ ‘ సినిమా చేస్తున్నాడు. ఇక మహేష్ బాబు మాత్రం రాజమౌళి దర్శకత్వంలో సినిమా కోసం మేకోవర్ పనుల్లో బిజీగా ఉన్నట్టుగా తెలుస్తుంది…
