Honey Rose
Honey Rose: వీరసింహారెడ్డి మూవీలో బాలయ్య భార్యగా, తల్లిగా చేసింది హనీ రోజ్. ఆరుపదుల దాటిన బాలయ్యకు అమ్మగా చేసిన ఈ మలయాళ హీరోయిన్ హనీ రోజ్ వయసు తెలిస్తే షాక్ అవుతారు. హనీ రోజ్ వయసు కేవలం 31 ఏళ్లు. హనీ రోజ్ చాలా చిన్న వయసులో పరిశ్రమలో అడుగు పెట్టింది. ఆమె డెబ్యూ మూవీ బాయ్ ఫ్రెండ్ 2005లో విడుదలైంది. హనీ రోజ్ ఫస్ట్ తెలుగు మూవీ ఆలయం. 2008లో విడుదలైన ఈ మూవీలో శివాజీ హీరోగా నటించాడు. ఆ సినిమా అంతగా ఆడలేదు. తెలుగు దర్శక నిర్మాతలు ఆమెను పట్టించుకోలేదు.
భారీ గ్యాప్ తీసుకుని వరుణ్ సందేశ్ కి జంటగా ‘ఈ వర్షం సాక్షిగా’ టైటిల్ తో రొమాంటిక్ లవ్ ఎంటర్టైనర్ చేసింది. ఈ మూవీ కూడా అనుకున్న స్థాయిలో ఆడలేదు. తొమ్మిదేళ్ల అనంతరం వీరసింహారెడ్డి మూవీతో టాలీవుడ్ కి రీ ఎంట్రీ ఇచ్చింది. . సంక్రాంతి కానుకగా విడుదలైన వీరసింహారెడ్డి హిట్ టాక్ తెచ్చుకుంది. హనీ రోజ్ కి ఈ చిత్రం టాలీవుడ్ లో సైతం ఫేమ్ తెచ్చిపెట్టింది.
బాలయ్య వంటి లెజెండ్ పక్కన నటించే ఛాన్స్ రావడం అదృష్టం అని హనీ రోజ్ అన్నారు. ఇటీవల హనీ రోజ్ రాచల్ టైటిల్ తో పాన్ ఇండియా మూవీ ప్రకటించింది. ఈ చిత్ర ఫస్ట్ లుక్ ఆకట్టుకుంది. రాచల్ పోస్టర్ లో హనీ రోజ్ లుక్ బోల్డ్ గా ఉంది. కాగా హనీ రోజ్ పై ఒక రూమర్ చక్కర్లు కొడుతుండగా ఆమె స్పందించారు. అవన్నీ పుకార్లే అని కొట్టిపారేశారు.
అందం కోసం హనీ రోజ్ సర్జరీలు చేయించుకున్నారని కథనాలు వెలువడ్డాయి. ఈ వార్తలకు సమాధానంగా… నేను ఎలాంటి సర్జరీలు చేయించుకోలేదు. నాది సహజ అందమే. గ్లామర్ కోసం కాస్మటిక్స్ వాడతాను. సర్జరీల జోలికి పోలేదు. ఇక నటిగా ఉండటం అంత సులభం కాదని, ఆమె చెప్పుకొచ్చారు. సోషల్ మీడియాలో మంచి, చెడు రెండూ ఉంటాయి. కాబట్టి నేను సోషల్ మీడియా కామెంట్స్, ట్రోల్స్ సీరియస్ గా తీసుకోనని ఆమె గతంలో వెల్లడించారు.
