Nayeem Diaries Movie: నయీం డైరీ సినిమాకు షాక్​.. స్టే విధించిన తెలంగాణ హైకోర్టు

Follow us on

Nayeem Diaries Movie: ప్రముఖ గ్యాంగ్​స్టర్ నయీమ్​ జీవిత కథ ఆధారంగా తెరకెక్కిన సినిమా నయీమ్ డైరీస్​. తాజాగా ఈ సినిమా విడుదలైన సంగతి తెలిసిందే. అయితే, తెలంగాణ హైకోర్టు ఈ సినమాపై స్టే విధించింది. ఈ సినిమాలో బెల్లి లలిత పాత్రను అభ్యంతరకరంగా చూపించారంటూ ఆమె కుమారుడు సూర్యప్రకాశ్​ హైకోర్డును ఆశ్రయించారు. 1999లో బెల్లి లలిత దారుణ హత్యకు గురైన సంగతి తెలిసిందే. ఈ హత్యను నయీం చేయించాడంటూ అప్పట్లో ఆమె కుటుంబ సభ్యులు ఆరోపించారు.

Nayeem Diaries Movie

తాజాగా, ఈ సినిమాలో బెల్లి లలిత కారెక్టర్​ అయిన లతను నయీం లిప్​ కిస్​ చేసే దృశ్యాలపై అభ్యంతరం వ్యక్తం చేశారు. కాగా, ఈ సినిమా శుక్రవారమే విడుదలైనప్పటికీ..  ఈ సినిమాను నిలివేయాలంటూ సూర్యప్రకాశ్ హైకోర్టులో లంచ్​ మోషన్​ పిటిషన్​ దాఖలు చేశారు. దీంతో ఈ సినిమా దర్శకుడు, నిర్మాతలకు స్టే విధిస్తూ.. హైకోర్టు నోటీసులు జారీ చేసింది. సోమవారం విచారణను వాయిదా వేసింది. అప్పటి వరకు నయీం డైరీ సినిమా ప్రదర్శన నిలిపేయాలంటూ హైకోర్టు స్టే విధించింది.

Also Read: ఆటోలో గమనం సినిమా చూసేందుకు థియేటర్​కు వచ్చిన శ్రియ

నయూం గ్యాంగ్​స్టర్​ గురించి అందరికీ తెలిసిందే. అప్పట్లో ఎన్నో కేసుల్లో ప్రధాన నిందితుడిగా ఉన్న నయీం.. ఎన్​కౌంటర్​లో చనిపోయాడు. ఈ క్రమంలోనే గతంలో రామ్​గోపాల్​ వర్మ కూడా ఇతనిపై సినమా తీస్తున్నట్లు ప్రకటించారు. అయితే, ఆ తర్వాత మళ్లీ ఆర్జీవీ నుంచి ఎలాంటి అప్​డేట్​ రాలేదు.

Also Read: వరుణ్ తేజ్ అభిమానులకు షాక్… “గని” మూవీ రిలీజ్ వాయిదా