Tamannaah Bhatia: తమన్నా లవర్ నేను, విజయ్ వర్మ నన్ను మోసం చేశాడు… తెరపైకి మరో లవ్ స్టోరీ!

Tamannaah Bhatia: తమన్నా పరిశ్రమకు వచ్చి దాదాపు 20 ఏళ్ళు. టాలీవుడ్ లో తిరుగులేని స్టార్డం అనుభవించిన నటి ఆమె. ఇన్నేళ్ల కెరీర్లో చాలా రూమర్స్ వచ్చాయి. పలువురితో డేటింగ్ చేశారన్న వాదనలు ఉన్నాయి. అయితే ఎవరితో తమన్నా పర్మినెంట్ గా లేదు. అలాగే ప్రచారమైన వార్తల్లో నిజమెంతో తెలియదు. తమన్నా కెరీర్ ప్రస్తుతం నెమ్మదించింది. ఆమెకు ఆఫర్స్ వస్తున్నప్పటికీ ఒకప్పటి జోరు లేదు. సీనియర్ హీరోల పక్కన ఛాన్స్ లు అందుకుంటుంది. ఎన్టీఆర్, మహేష్, పవన్ కళ్యాణ్, చరణ్ వంటి టాప్ స్టార్స్ ఎప్పుడో పక్కన పెట్టేశారు.

దీంతో పెళ్లి వార్తలు తెరపైకి వస్తున్నాయి. తమన్నా వివాహం చేసుకోబోతున్నారంటూ పలుమార్లు వినిపించింది. ఈ వార్తలను తమన్నా ఖండించారు. అందుకు ఇంకా సమయం ఉందని వివరణ ఇచ్చారు. గత ఆరు నెలలుగా తమన్నా నటుడు విజయ్ వర్మతో డేటింగ్ చేస్తున్నారన్న వాదన వినిపిస్తోంది. పలుమార్లు ఇద్దరూ కలిసి కనిపించారు. ప్రైవేట్ పార్టీల్లో జంటగా ఎంజాయ్ చేస్తున్న ఫోటోలు బయటకు వచ్చాయి. న్యూ ఇయర్ వేడుకలు కూడా కలిసి చేసుకున్నారట. విజయ్ వర్మతో తమన్నా ప్రేమలో పడ్డారన్నది నిజం. అందుకే ఆమె ప్రవర్తన రుజువు అంటూ పలువురు భావిస్తున్నారు.

ఎప్పటిలాగే విజయ్ వర్మతో ఎఫైర్ రూమర్స్ ని తమన్నా ఖండించారు. నేను సింగిల్, ఎవరితో డేటింగ్ చేయడం లేదంటూ వివరణ ఇచ్చారు. రూమర్స్ ని ఖండించి నెల రోజులు కాకుండానే మరోసారి ఆయనతో డిన్నర్ డేట్ కి వెళుతూ మీడియాకు దొరికింది. ఇటీవల ఒకే కారులో డ్రైవర్ లేకుండా విహరిస్తున్న ఈ జంట మీడియాకు చిక్కారు. ఈ క్రమంలో తమన్నా బండారం బహిర్గతం అయ్యింది.

తమన్నా-విజయ్ వర్మ బంధం మీద జనాలు తలలు బద్దలు కొట్టుకుంటుంటే… మధ్య మరో బాలీవుడ్ నటుడు గుల్షన్ దేవయ్య ఎంటర్ అయ్యారు. తమన్నా నాది, ఆమెతో నువ్వు తిరుగుతున్నావా? అని పబ్లిక్ పోస్ట్ పెట్టాడు. విజయ్ వర్మ నటించిన లేటెస్ట్ సిరీస్ ట్రైలర్ మే 3న విడుదల కానుంది. దీనికి సంబంధించిన ప్రమోషనల్ వీడియో విజయ్ వర్మ ఇంస్టాగ్రామ్ లో పోస్ట్ చేశాడు. ఆ పోస్ట్ కి కామెంట్ గా ‘నా తమన్నాతో నువ్వు సన్నిహితంగా ఉంటున్నావా. విజయ్ వర్మ నాకు గట్టి దెబ్బ వేశావ్. నా పరువు తీయలేదు అంత వరకు సంతోషం… దేవుడా’ అని కామెంట్ పెట్టాడు. గుల్షన్ దేవయ్య కామెంట్ తమన్నా, విజయ్ వర్మ రిలేషన్ ధృవీకరిస్తోంది. అదే సమయంలో తమన్నా నాది, నాతో కూడా రిలేషన్ నడిపిందని చెప్పినట్లుగా ఉంది.