Micheal: చిన్న హీరోగా సినీ ప్రస్థానం మొదలుపెట్టి.. ప్రస్తుతం టాప్ యంగ్ హీరోల్లో ఒకరిగా దూసుకెళ్తున్నాడు సందీప్ కిషన్. తాజాగా, సందీప్ కిషన్ హీరోగా రంజిత్ జేయకోడి దర్శకత్వంలో తెరకెక్కుతోన్నతాజా సినిమా మైఖేల్. పాన్ ఇండియా సినిమాగా తెరకెక్కుతోన్న ఈ సినిమా.. వివిధ భాషల్లో తెరకెక్కిస్తున్నారు. శ్రీ వేంకటేశ్వర సినిమాస్ ఎల్ఎల్పి, రణ్ సి ప్రొడక్షన్స్ ఎల్ ఎల్పి పతాకాలపై భరత్ చౌదరీ, పుస్కుర్ రామ్ మోహన్ రావు సంయుక్తంగా నిర్మిస్తున్నారు.
తాజాగా, ఈ సినిమాలో విలక్షణ నటుడు, దర్శకుడు నటించనున్నట్లు తెలుస్తోంది. ప్రముఖ దర్శకుడు గౌతమ్ వాసుదేవ్ మీనన్ ఈ సినిమాలో విలన్ పాత్రలో నటించనున్నారు. తాజాగా, ఇందుకు సంబంధించిన ఓ అప్డేట్ను చిత్ర యూనిట్ ప్రకటించింది. ఈ క్రమంలోనే ఓ పోస్టర్ను విడుదల చేసింది. ఈ సినిమాలో మక్కల్ సెల్వన్ విజయ్ సేతుపతి కీలక పాత్రల్లో నటిస్తున్నారు. దీంతో సినిమాపై భారీ అంచనాలు నెలకొన్నాయి.
కాగా, ఇటీవలే ఏ1 ఎక్స్ప్రెస్, గల్లీబాయ్ సినిమాలతో ప్రేక్షకులను పలకరించిన సందీప్ కిషన్.. మంచి టాక్ అందుకున్నారు. కాగా, ఇప్పుడు మరో ఇంట్రెస్టింగ్ సబ్జెక్ట్తో మరోసారి ప్రేక్షకులను పలకరించేందుకు సిద్ధమయ్యారు. మరి ఈ సారి కూడా హిట్ కొడతాడా లేదా చూడాలి. మరోవైపు, టాప్ యాక్టర్లు తన సినిమాలో నటిస్తుండటంతో మఖేల్ సినిమాపై భారీ అంచనాలు ఉన్నాయి.
