Varanasi Movie Hollywood Release: ‘వారణాసి'(Varanasi Movie) చిత్రం గురించి అభిమానులు ఎంత భారీగా ఊహించుకుంటారో , అంతకు మించిన భారీ తనం తో , కలలో కూడా మహేష్(Superstar Mahesh Babu) అభిమానులు ఊహించని రేంజ్ లో ఈ చిత్రాన్ని తీర్చిదిద్దబోతున్నారట. కేవలం సినిమాని ఆ స్థాయిలో తెరకెక్కించడం మాత్రమే కాదు, విడుదల విషయం లో కూడా కనీవినీ ఎరుగని రేంజ్ ఆలోచనలు చేయబోతున్నాడు రాజమౌళి(SS Rajamouli). ఆయన గత చిత్రాలను ఒకసారి చూస్తే, ప్రతీ సినిమాకు ప్రొమోషన్స్ విషయం లో ప్రత్యేకమైన శ్రద్ద చూపిస్తుంటాడు. ఆయన గత చిత్రం #RRR ని ఏ రేంజ్ లో ప్రమోట్ చేశాడో మనమంతా చూశాము. సుమారుగా మూడు నెలల పాటు ఆ చిత్రాన్ని ప్రమోట్ చేసాడు. ఇప్పుడు ‘వారణాసి’ చిత్రాన్ని ఆయన పాన్ ఇండియా లెవెల్ లో కాదు , పాన్ వరల్డ్ లెవెల్ లో తెరకెక్కిస్తున్నాడు. ఇక ఈ సినిమా ప్రొమోషన్స్ ని ఆయన ఏ రేంజ్ లో చేయబోతున్నాడో మీరే ఊహించుకోండి.
ఇకపోతే గతం లో ఈ సినిమాని అంతర్జాతీయ లెవెల్ లో విడుదల చేయడానికి ‘డిస్నీ’ సంస్థ తో చర్చలు చేసాడు రాజమౌళి. కానీ వాళ్ళతో టర్మ్స్ కుదరకపోవడం తో ఇప్పుడు ‘మార్వెల్ స్టూడియోస్’ తో చర్చలు జరుపుతున్నాడు. ‘మార్వెల్ స్టూడియోస్’ అంటే తెలియని వాళ్లంతా ఎవ్వరూ ఉండరు. ముఖ్యంగా ఇండియా లో ఈ సంస్థ నుండి విడుదలయ్యే సూపర్ హీరో మూవీస్ కి కోట్ల సంఖ్యలో అభిమానులు ఉంటారు. స్పైడర్ మ్యాన్ సిరీస్, ఐరన్ మ్యాన్ సిరీస్ , కెప్టెన్ అమెరికా సిరీస్, ఎవెంజర్స్ సిరీస్, ఇలా ఎన్నో అద్భుతాలను వెండితెర కి అందించింది ఈ సంస్థ. అలాంటి సంస్థ ఆద్వర్యం లో ఈ సినిమా పాన్ వరల్డ్ రిలీజ్ అయితే బాక్స్ ఆఫీస్ వద్ద క్రియేట్ అయ్యే అద్భుతాలను కలలో కూడా ఊహించలేము. రాజమౌళి తెరకెక్కించిన #RRR
కి ఒక హాలీవుడ్ లో ఒక ప్రత్యేకమైన క్రేజ్ ఉంది.
#RRR చిత్రాన్ని విదేశాల్లో లో ఉండే ఇండియన్స్ మాత్రమే కాదు , ఫారినర్స్ కూడా ఎగబడి చూశారు . రాజమౌళి మేకింగ్ స్టైల్ కి వాళ్లంతా పెద్ద ఫ్యాన్స్ అయిపోయారు. అవతార్ , టైటానిక్ లాంటి అద్భుతాలను తెరకెక్కించిన జేమ్స్ కెమరూన్ వంటి వారు కూడా #RRR ని చూసి మెంటలెక్కిపోయారంటే , రాజమౌళి రేంజ్ ఏంటో అర్థం చేసుకోవచ్చు. కాబట్టి కచ్చితంగా ‘వారణాసి’ హాలీవుడ్ ఆడియన్స్ కి నచ్చేలా రాజమౌళి మేకింగ్ ఉండబోతుంది అనడంలో ఎలాంటి సందేహం లేదు. అంతే కాకుండా ఇప్పుడు రాజమౌళి బ్రాండ్ కి తోడుగా మర్వెల్ స్టూడియోస్’ బ్రాండ్ కూడా తోడైంది. సరైన టాక్ వస్తే మాత్రం కేవలం ఓవర్సీస్ నుండే ఈ చిత్రం వెయ్యి కోట్ల గ్రాస్ వసూళ్లను రాబడుతుంది అనడంలో ఎలాంటి సందేహం లేదు. చూడాలి మరి రాబోయే రోజుల్లో ఈ సినిమా సృష్టించే విద్వంద్వం ఎలా ఉండబోతుంది అనేది.
