Allu Arjun : అల్లు అర్జున్ హరిచంద్రుడా? ఆ ప్రముఖుడి మాటల దాడి, వైరల్ గా సంచలన వీడియో

Allu Arjun :  అల్లు అర్జున్ నటించిన పుష్ప ఆయనకు ఎనలేని కీర్తి తెచ్చిపెట్టింది. ఏకంగా పాన్ ఇండియా హీరో ఇమేజ్ సొంతమైంది. ఈ మూవీలో నటనకు అల్లు అర్జున్ జాతీయ ఉత్తమ నటుడు అవార్డు అందుకున్నారు. టాలీవుడ్ చరిత్రలో ఈ గౌరవం అందుకున్న ఏకైక హీరో అల్లు అర్జున్ కావడం విశేషం. సుకుమార్ దర్శకుడిగా 2021లో విడుదలైన పుష్ప వరల్డ్ వైడ్ రూ. 350 కోట్లకు పైగా గ్రాస్ రాబట్టింది. హిందీ వెర్షన్ రూ. 100 కోట్ల మార్కుని చేరుకోవడం విశేష పరిణామం. నార్త్ ఇండియాలో అల్లు అర్జున్ సూపర్ స్టార్ గా అవతరించాడు.

పుష్ప 2 ప్రీ రిలీజ్ వేడుక బీహార్ రాజధాని పాట్నాలో నిర్వహించగా లక్షల మంది అభిమానులు హాజరయ్యారు. కొత్త ట్రెండ్ అల్లు అర్జున్ సృష్టించాడు. పుష్ప 2 విడుదలకు ముందే లాభాలు పంచింది. మొత్తంగా రూ. 1000 కోట్ల ప్రీ రిలీజ్ బిజినెస్ చేసినట్లు సమాచారం. పుష్ప 2 డిసెంబర్ 5న వరల్డ్ వైడ్ విడుదల కానుంది. పుష్ప 2 ట్రైలర్ కి భారీ ఆదరణ దక్కింది. కాగా పుష్ప మూవీ అల్లు అర్జున్ కి ఫేమ్ తో పాటు అపకీర్తి కూడా తెచ్చిపెట్టింది.

ఆ మధ్య పవన్ కళ్యాణ్ పరోక్షంగా పుష్ప చిత్రం పై అసహనం వ్యక్తం చేశాడు. ఒకప్పుడు హీరోలు అడవులను అభివృద్ధి చేసే పాత్రల్లో కనిపించేవారు. ఈ తరం హీరోలు చెట్లను నరికి స్మగ్లింగ్ చేసే పాత్రల్లో నటిస్తున్నారు. ఒక నటుడిగా అలాంటి పాత్రలు చేయడం నాకు ఇష్టం ఉండదు అన్నాడు. ఈ కామెంట్స్ అల్లు అర్జున్ నటించిన పుష్పను ఉద్దేశించే అని సోషల్ మీడియాలో దుమారం రేగింది. అల్లు అర్జున్ మామయ్య చంద్రశేఖర్ రెడ్డి పవన్ కళ్యాణ్ కామెంట్స్ పై అసహనం వ్యక్తం చేశాడు. అల్లు అర్జున్ చేసింది సినిమాలో పాత్ర మాత్రమే. నిజంగా స్మగ్లింగ్ చేయలేదని అన్నారు.

ఇదిలా ఉంటే… గతంలోనే ఓ ప్రముఖుడు పుష్ప చిత్రం పై మండిపడ్డాడు. అల్లు అర్జున్ ని తీవ్రంగా విమర్శించాడు. ఆయన ఎవరో కాదు గరికపాటి నరసింహారావు. ఓ సందర్భంలో ఆయన మాట్లాడుతూ… హీరోని స్మగ్లర్ గా చూపించడం ఏమిటీ? దానికి తోడు తగ్గేదేలే అని చెప్పడమా?. ఆ మాట శ్రీరాముడో, హరిశ్చంద్రుడో చెబితే బాగుంటుంది. ఒక వ్యక్తిని కొట్టి తగ్గేదేలే అంటే.. సమాజంలో నేర ప్రవృత్తి పెరిగిపోదా?. ఒక పార్ట్ లో స్మగ్లర్ గా చూపించి, రెండో పార్ట్ చివర్లో మంచోడిగా చూపిస్తే సరిపోతుందా? ఈ లోపు సమాజం చెడిపోదా.. అన్నారు.

ఈ ఓల్డ్ వీడియో తెరపైకి వచ్చింది. పుష్ప 2ని దెబ్బ తీయాలని ఓ వర్గం ప్రయత్నం చేస్తుంది. మెగా ఫ్యాన్స్ రెండుగా చీలిపోగా, అల్లు అర్జున్ కి వ్యతిరేక వర్గం తయారైంది. వారే ఈ పాత వీడియోను సోషల్ మీడియాలో వైరల్ చేస్తున్నారని అల్లు అర్జున్ ఫ్యాన్స్ అసహనం వ్యక్తం చేస్తున్నారు.

Trending now! #Pushpa2 #GarikipatiNarasimhaRao pic.twitter.com/dQGWJqYjAu

— Manmohan Miryala (@MiryalaManmohan) November 21, 2024