Bigg Boss: బిగ్ బాస్ తెలుగు రియాలిటీ షో స్టార్ట్ అయినప్పటి నుండి ఇప్పటివరకు మంచి స్పందన లభించింది. ప్రతి సీజన్లో వినోదాన్ని పంచుకుంటూ తనదైన శైలిలో దూసుకుపోతోంది ఈ షో. అయితే ఈ ఏడాది బిగ్ బాస్ సీజన్ 5 కాస్త అటు ఇటు గానే ఉందని చెప్పాలి. ఎందుకంటే ఈ ఏడాది ఐపీఎల్ వచ్చి యువత క్రికెట్ పై ఎక్కువ మక్కువ చూపించడంతో కాస్త టి ఆర్ పి రేటింగ్ తగ్గిందనే చెప్పాలి. ఆ లోటును భర్తీ చేయడానికి బిగ్ బాస్ చేయని ప్రయత్నం లేదు. అందులో భాగంగా వారం వారం కంటెస్టెంట్ లో స్పైస్ పెంచుకుంటూ రోజురోజుకు వినోదాన్ని అందిస్తుంది. ఈ ఆదివారం ప్రేక్షకులకు మరో షాక్ ఇచ్చింది బిగ్ బాస్ బృందం.
యాంకర్ రవికి బుల్లితెరపై ఎంత ఫాలోయింగ్ ఉందో తెలిసిందే. 12వ వారంలో స్ట్రాంగ్ కంటెస్టెంట్ రవి ఎలిమినేట్ కావడంతో అతడి అభిమానులు తీవ్రంగా నిరాశ చెందారు. ఓట్లు తక్కువ రావడంతో ఆదివారం రాత్రి బిగ్‌బాస్ హౌస్ నుంచి రవి ఎలిమినేట్ అయిన విషయం తెలిసిందే. ప్రస్తుతం రవి ఎలిమినేషన్‌పై పెద్ద రచ్చ మొదలైంది. కావాలనే రవిని ఎలిమినేట్ చేశారని.. టి ఆర్ పి కోసం ఇట్లా చేశారు అని దీని వెనుక కుట్ర ఉందని రవి అభిమానులు ఆరోపిస్తున్నారు. ఈ సందర్భంగా రవికి అన్యాయం జరిగిందని జూబ్లీహిల్స్‌లోని అన్నపూర్ణ స్టూడియోస్ వద్ద పెద్ద ఎత్తున అభిమానులు నిరసన చేసిన విషయం తెలిసిందే. బిగ్‌బాస్ షోకు వస్తున్న ఓట్ల లెక్కలను నిర్వాహకులు బహిర్గతం చేయాలని, హౌస్‌లో ఉన్న కంటెస్టెంట్లలో ఎవరికి ఎన్ని ఓట్లు పడ్డాయో ప్రేక్షకులను చెప్పాల్సిన అవసరం ఉందని డిమాండ్ చేశారు.
