Dhurandhar Views On Netflix: థియేటర్స్ లో సంచలనాత్మక విజయాన్ని నమోదు చేసుకున్న ‘ధురంధర్'(Dhurandhar Movie) చిత్రం కోసం, ఓటీటీ ఆడియన్స్ ఎన్నడూ, ఏ సినిమాకు చూడనంత ఆతృతగా ఎదురు చూసారు. ఎందుకంటే ఈ సినిమా థియేటర్స్ లో కేవలం హిందీ లో మాత్రమే విడుదలైంది. మంచి సినిమాలు ఎక్కడున్నా ఆదరించడానికి సిద్ధంగా ఉండే మన తెలుగు ఆడియన్స్, ఈ సినిమాని తెలుగు వెర్షన్ లో విడుదల చేయనందుకు చాలా ఫీల్ అయ్యారు. మన తెలుగు ఆడియన్స్ తో పాటు అన్ని భాషల్లోని మూవీ లవర్స్ ఈ సినిమా కోసం కళ్ళు కాయలు కాచేలా ఎదురు చూసారు. చివరికి నిన్న నెట్ ఫ్లిక్స్(Netflix) లో ఈ చిత్రం విడుదలైంది. సోషల్ మీడియా లో ఎక్కడ చూసినా ఈ సినిమా సన్నివేశాలే కనిపిస్తున్నాయి. ఎంత అద్భుతంగా తెరకెక్కించారో అంటూ పొగడ్తలతో ముంచి ఎత్తుతున్నారు ఆడియన్స్. ఇది కదా అసలు సినిమా అంటే అని కామెంట్స్ చేస్తున్నారు.
ఇదంతా పక్కన పెడితే ఈ చిత్రాన్ని నెట్ ఫ్లిక్స్ లో అప్లోడ్ చేసిన 24 గంటలకు దాదాపుగా రెండు మిలియన్ కి పైగా వ్యూస్ వచ్చినట్టు తెలుస్తోంది. సాధారణంగా ఏ సినిమాకు అయినా నెట్ ఫ్లిక్స్ లో రెండు మిలియన్ వ్యూస్ రావడానికి ఒక వారం, లేదా 5 రోజుల సమయం పడుతుంది. కానీ ఈ చిత్రానికి కేవలం 24 గంటల్లోనే వచ్చింది. అంటే దీని లాంగ్ రన్ రాబోయే రోజుల్లో ఏ రేంజ్ లో ఉండబోతుందో మీరే ఊహించుకోండి. మన ఇండియన్ మూవీస్ జాబితాలో నెట్ ఫ్లిక్స్ లో అత్యధిక వ్యూస్ ని సొంతం చేసుకున్న చిత్రం #RRR. దాదాపుగా 45 మిలియన్ కి పైగా వ్యూస్ వచ్చాయి ఈ చిత్రానికి. ఇదొక శాశ్వత రికార్డు గా మిగిలిపోతాది, భవిష్యత్తులో దీనిని కొట్టే సినిమా రావడం కష్టం అని విశ్లేషకులు సైతం అనేవారు.
కానీ ధురంధర్ ఊపు చూస్తుంటే కేవలం రెండు నెలల్లోనే ఈ చిత్రం #RRR వ్యూస్ ని దాటేలా ఉంది. అన్ని భాషలకు సంబంధించిన ఆడియన్స్ ఓటీటీ లో ఈ చిత్రాన్ని ఎగబడి చూస్తున్నారు కాబట్టి, మార్చి 19 న రాబోయే ‘ధురంధర్ 2’ కి సెన్సేషనల్ ఓపెనింగ్స్ వచ్చే అవకాశాలు ఉన్నాయి. మన తెలుగు రాష్ట్రాల్లో పక్క భాషకు సంబంధించిన సినిమాలు ఈమధ్య కాలం లో భారీ హైప్ తో వచ్చిన చిత్రం ‘KGF చాప్టర్ 2’. ధురంధర్ సీక్వెల్ ఆ సినిమా రేంజ్ హైప్ తోనే వస్తుందని అంతా అంటున్నారు. చూడాలి మరి రాబోయే రోజుల్లో ఈ సినిమా హవా ఎలా ఉండబోతుంది అనేది.
