Darling Re Release Closing Collections: రెబల్ స్టార్ ప్రభాస్(Rebel Star Prabhas) కెరీర్ లో ఆల్ టైం క్లాసిక్ గా నిల్చిన ‘డార్లింగ్’ చిత్రాన్ని రీసెంట్ గానే గ్రాండ్ గా రీ రిలీజ్ చేయగా, అభిమానులు , ప్రేక్షకుల నుండి అద్భుతమైన రెస్పాన్స్ ని సొంతం చేసుకున్న సంగతి తెలిసిందే. ఇప్పటికీ ఈ చిత్రం పలు థియేటర్స్ లో విజయవంతంగా ప్రదర్శితమవుతోంది. మొదటి రిలీజ్ కంటే రీ రిలీజ్ లోనే ఆడియన్స్ నుండి ఎక్కువ రెస్పాన్స్ రావడం గమనార్హం. ముఖ్యంగా నైజాం ప్రాంతం లో ఈ చిత్రానికి అద్భుతమైన వసూళ్లు నమోదు అయ్యాయి. అయితే దాదాపుగా థియేట్రికల్ రన్ ని పూర్తి చేసుకున్న ఈ చిత్రం 10 కోట్ల గ్రాస్ మార్కుని మాత్రం అందుకోలేకపోయింది. ప్రభాస్ అభిమానులతో పాటు, ఈ చిత్రాన్ని రీ రిలీజ్ చేసిన థర్డ్ పార్టీ వాళ్ళు 10 కోట్ల గ్రాస్ వసూళ్లను ఈ చిత్రం ఫుల్ రన్ లో రాబడుతుందని అనుకున్నారు.
నేడు 11 కోట్ల రూపాయిల గ్రాస్ వసూళ్లు వచ్చినట్టు అధికారికంగా ఒక పోస్టర్ ని అయితే విడుదల చేశారు కానీ , అందులో ఎలాంటి నిజం లేదని చెప్పొచ్చు. ప్రాంతాల వారీగా ఈ చిత్రానికి వచ్చిన గ్రాస్ వసూళ్లను ఒకసారి చూస్తే, నైజాం ప్రాంతం నుండి 4 కోట్ల 24 లక్షల రూపాయిల గ్రాస్ వసూళ్లను రాబట్టిన ఈ చిత్రానికి, సీడెడ్ ప్రాంతం నుండి 53 లక్షలు, ఆంధ్రా ప్రాంతం నుండి 2 కోట్ల 35 లక్షల రూపాయిల గ్రాస్ వసూళ్లు వచ్చాయి. ఓవరాల్ గా ఈ చిత్రానికి 7 కోట్ల 24 లక్షల రూపాయిలు తెలుగు రాష్ట్రాల నుండి వచ్చాయి. ఇక ఇతర ప్రాంతాల విషయానికి వస్తే కర్ణాటక + రెస్ట్ ఆఫ్ ఇండియా నుండి 90 లక్షల రూపాయిల గ్రాస్ వసూళ్లను రాబట్టిన ఈ చిత్రానికి , ఓవర్సీస్ నుండి 50 లక్షల రూపాయిల గ్రాస్ వసూళ్లు వచ్చాయి.
ఓవరాల్ గా ఈ చిత్రానికి ఫుల్ రన్ లో 9 కోట్ల 6 లక్షల రూపాయిల గ్రాస్ వసూళ్లు మాత్రమే వచ్చాయి. టాలీవుడ్ రీ రిలీజ్ చిత్రాల్లో ఇది ఆల్ టైం టాప్ 2 రికార్డు అని చెప్పొచ్చు. ఇప్పటికీ ఖలేజా చిత్రం ఖాతాలోనే ఫుల్ రన్ రికార్డు ఉంది. ఈ సినిమాకు క్లోజింగ్ లో దాదాపుగా 10 కోట్ల 60 లక్షల రూపాయిల గ్రాస్ వసూళ్లు వచ్చాయి. ఇక ఓపెనింగ్స్ విషయం లో అయితే ‘గబ్బర్ సింగ్’ దే పై చెయ్యి, దరిదాపుల్లో మరో సినిమా లేదు. మరి ఈ రెండు రికార్డ్స్ ని రాబోయే రోజుల్లో ఏ సినిమా అందుకుంటుందో చూడాలి.
