మల్లెమాల నిర్మాణంలో వస్తోన్న “జబర్దస్త్” అనే కామెడీ షో ముందు ఇప్పటివరకు ఏ కామెడీ షో కూడా పోటీ ఇవ్వలేకపోయింది. చాలా కామెడీ షోలు పోటీలో నిలిచినా.. సరైన కామెడీని అందించలేక చివరకు “జబర్దస్త్” ముందు నిలబడలేక మూన్నాళ్ళ ముచ్చటగానే ముగిసిపోయాయి. అయితే ఈ సారి మాత్రం “జబర్దస్త్”ను మించిన కామెడీతో ఓ షో దూసుకుపోతుంది. ఈ విషయంలో ‘స్టార్ మా’ ఛానెల్ ఎట్టకేలకు సక్సెస్ అయిందనే చెప్పాలి.
Also Read: కేక పెట్టిస్తోన్న ప్రగతి లేటేస్ట్ పిక్స్.. సోషల్ మీడియాలో రచ్చ !
నిజానికి ఇదే ఛానల్ ఇంతకుముందు “జబర్దస్త్”కి పోటీగా చేసిన ప్రయత్నాలు ఏది సక్సెస్ కాలేదు. పైగా అట్టర్ ప్లాప్ అయ్యాయి. అయితే, “కామెడీ స్టార్స్” పేరుతో చేస్తోన్న ఒక కొత్త షో మాత్రం ఇరగతిస్తోంది. ఈ షోను ఇంట్రడ్యూస్ చేసి.. జబర్దస్త్ కి చెక్ పెట్టేలా స్టార్ మా గట్టి ప్రయత్నాలే చేస్తోంది. ఇక గత ఆదివారం ఈ కామెడీ స్టార్స్ మొదటి ఎపిసోడ్ ప్రసారం అయింది. ‘జబర్దస్త్’ నుంచి బయటికొచ్చి ‘బిగ్ బాస్’లో పాల్గొని మంచి పాపులర్ అయిన ‘అవినాష్’ మెయిన్ యాక్టర్ గా ‘కామెడీ స్టార్స్’ని రూపొందించడం విశేషం.
Also Read: మెగా కాంబో: శంక‌ర్ – రామ్ చ‌ర‌ణ్ – దిల్ రాజు!
పైగా ఈ మొదటి షోకి 9 పాయింట్ల రేటింగ్ వచ్చిందంటేనే ఈ షో ఏ రేంజ్ లో హిట్ అయిందో అర్ధం చేసుకోవచ్చు. ‘జబర్దస్త్’కి గతవారం 7 పాయింట్ల రేటింగ్ మాత్రమే వచ్చింది. అలాంటిది “కామెడీ స్టార్స్”కి మాత్రం ఏకంగా 9 పాయింట్ల రేటింగ్ రావడం అంటే రికార్డే. ఏది ఏమైనా ఫస్ట్ ఎపిసోడ్ తో అవినాష్ ఫుల్ సక్సెస్ అయ్యాడు. మరి ఇదే ఊపు మైంటైన్ చేస్తే ‘జబర్దస్త్’కి చెక్ పెట్టొచ్చు.
మరిన్ని సినిమా వార్తల కోసం టాలీవుడ్ న్యూస్