Bigg Boss Telugu 8: ఎదుటి మనిషిని తక్కువ చేయకు..ఎదో ఒకరోజు ఆ మనిషి చేతిలోనే ఓడిపోతావు అని పెద్దలు ఊరికే చెప్పరు. వాళ్ళ వయస్సులో జరిగిన అనుభవాలను దృష్టిలో పెట్టుకొనే చెప్తారు. అవి అనేక సందర్భాలలో నిజం అని నిరూపణ అవుతూ వచ్చింది. ఉదాహరణకి ఈ సీజన్ లో పృథ్వీ, రోహిణి మధ్య జరిగిన ఒక సంఘటనే. రోహిణి వచ్చిన రెండవ వారం లో పృథ్వీ ఆమెని చాలా అవమానిస్తాడు. ఎంటర్టైన్మెంట్ ని తప్ప, నువ్వు ఏమి చెయ్యలేవు, దేనికి పనికిరావు, టాస్కులు అసలు ఆడలేవు, నాలాగా పరిగెత్తడం కూడా కష్టమే అంటూ ఆమె వైపు క్రింద నుండి పైకి చూస్తూ బాడీ షేమింగ్ చేస్తాడు. ఎవరిని అయితే ఆయన అంత తక్కువ చేసి చూశాడో, గత వారం ఆమె చేతిలోనే దారుణంగా గేమ్ ఓడిపోతాడు. రోహిణి తన శక్తి, టాలెంట్ ఏంటో చూపించి మెగా చీఫ్ అయ్యింది. మొన్న ఆమె ఆడిన ఆట తీరుకి లక్షలాది మంది అభిమానులు పుట్టుకొచ్చారు.
ఆమెని టాప్ 5 స్థానం లో ఫిక్స్ చేశారు ప్రేక్షకులు. ఆమెకి ఇంత మైలేజ్ రావడానికి ప్రధాన కారణం పృథ్వీ. సోషల్ మీడియాలో నెటిజెన్స్ అప్పట్లో పృథ్వీ రోహిణి ని తక్కువ చేసి మాట్లాడిన వీడియో ని, అలాగే రోహిణి దానిని తలచుకొని కసితో ఆడిన విధానంకి సంబంధించిన వీడియోని క్లబ్ చేసి పెద్ద ఎత్తున మీమ్స్, ఎడిటింగ్స్ చేసారు. పృథ్వీ ఈ సంఘటనతో అయినా తన ఆట తీరుని, ఎదుటి మనిషిని తక్కువగా చూసి మాట్లాడే లక్షణం ని తగ్గించుకుంటాడని అందరూ అనుకున్నారు. కానీ అతనిలో ఇసుమంత మార్పు కూడా కనపడలేదు. మిన్న రోహిణి ని అంతలా అవమానించి సందర్భం వచ్చినప్పుడు మట్టి కరిచిన ఈయన, ఇప్పుడు అవినాష్ తో కూడా అదే చేస్తున్నాడు. అవినాష్ ని నువ్వు హౌస్ లో ఎంటర్టైన్మెంట్ ని తప్ప ఏమి ఇవ్వట్లేదు. ఎదో నబీల్ సేవ్ చేయడం వల్ల లక్కుతో ఇక్కడ ఉన్నావు.
ఆడియన్స్ నిన్ను మొదటి వారం నామినేషన్స్ లోకి వచ్చినప్పుడే బయటకి పంపేశారు. కారణం నువ్వు నీలాగా ఉండడం లేదు, మాస్క్ తీసి మీ సొంత గేమ్ ఆడండి అని అంటాడు పృథ్వీ. నేను ఎంటర్టైన్మెంట్ ని తప్ప ఏమి చేయట్లేదని నువ్వు అంటున్నావు, కానీ నేను రెండు సార్లు మెగా చీఫ్ గా టాస్కులు గెలిచి ఎంపిక అయ్యాను. నువ్వు 12 వారాల నుండి హౌస్ లో ఉన్నావు, నువ్వు మెగా చీఫ్ అయ్యావా అని అంటాడు అవినాష్. దెబ్బకి పృథ్వీ నుండి సౌండ్ లేదు. ఎదో వాదించాలని ప్రయత్నం చేసాడు కానీ, చివరికి అవినాష్ కి చిరాకు వచ్చి ముఖాన రంగు కొట్టుకొని నామినేట్ అవుతాడు. గత వారం రోహిణి విషయం లో జరిగినదే, ఈ వారం ఆయనకీ అవినాష్ విషయంలో కూడా జరగొచ్చు, ఈ వారం అవినాష్ సేవ్ అయ్యి, పృథ్వీ ఎలిమినేట్ అయ్యే అవకాశాలు ఎక్కువగా ఉండొచ్చు.
