Bigg Boss Telugu 8(138)
Bigg Boss Telugu 8: మణికంఠ అంటే బిగ్ బాస్ టీం కి అంత చులకన ఎందుకు..?, టాప్ 5 కంటెస్టెంట్స్ లో ఒకరిగా ఉండాల్సిన వ్యక్తికి కనీస గౌరవం ఇవ్వలేకపోయారు ఎందుకు..?, అసలు ఏమాత్రం కంటెంట్ ఇవ్వని కంటెస్టెంట్స్ కి కూడా ఎంతో గౌరవ మర్యాదలతో బిగ్ బాస్ హౌస్ నుండి బయటకి పంపించారు. కానీ మణికంఠ ని మాత్రం అవమానించి పంపారు అని సోషల్ మీడియా లో ఆయన అభిమానులు బిగ్ బాస్ టీం పై తీవ్రమైన అసహనం వ్యక్తం చేస్తున్నారు. ఎందుకంటే మణికంఠ ఆరోగ్యం పరంగా చాలా స్ట్రాంగ్ గా ఉన్నాడని మెడికల్ రిపోర్ట్స్ లో కూడా వచ్చింది, అతను మెంటల్ గా బాగా డౌన్ అవ్వడం వల్లే, ఇంటి నుండి బయటకి వెళ్లిపోవాలని నిర్ణయం తీసుకోవడం జరిగింది. గత సీజన్ లో శివాజీ కూడా ఇలా ఎన్నోసార్లు నేను బిగ్ బాస్ నుండి వెళ్ళిపోతా, నా వల్ల అవ్వడం లేదంటూ బిగ్ బాస్ టీం ని కోరుకున్నాడు. కానీ బిగ్ బాస్ ఆయనని కన్ఫెషన్ రూమ్ లోకి పిలిచి ధైర్యం చెప్పాడు, నాగార్జున కూడా అతనిలో ఆత్మవిశ్వాసం ని నింపి గేమ్ ఆడేలా చేసాడు.
కానీ మణికంఠ విషయం లో ఆ ప్రయత్నం ఎందుకు చేయలేదు అనేది ఇప్పుడు పెద్ద ప్రశ్న. నాగార్జున నువ్వు డేంజర్ జోన్ లో లేవు, మెడికల్ రిపోర్ట్స్ కూడా బాగున్నాయి అని చెప్పాడే కానీ, అతనిలో ఆత్మ విశ్వాసం ని నింపి గేమ్ ఆడించే విధంగా అసలు ప్రయత్నం చేయలేదు. దీని వెనుక ఉన్న ఉద్దేశ్యం ఏమిటి?, మణికంఠ కంటెంట్ ఇక చాలు అనుకున్నారా?, అతని వల్ల టీఆర్ఫీ రేటింగ్స్ పై ఏదైనా ప్రభావం పడుతుందని భావించారా? అనేది ఆడియన్స్ కి అర్థం కావడం లేదు. ఇదంతా పక్కన పెడితే ఎలిమినేట్ అయ్యే ప్రతీ కంటెస్టెంట్ కి , వాళ్ళ బిగ్ బాస్ జర్నీ కి సంబంధించిన AV వీడియో ని టెలికాస్ట్ చేసి పంపిస్తారు. కానీ మణికంఠ విషయం లో మాత్రం అది జరగలేదు.
ఆయన AV వీడియో వేయకుండానే బయటకి పంపేశారు. దీనికి నెటిజెన్స్ మణికంఠ అంటే బిగ్ బాస్ టీం కి చులకన అంటూ కామెంట్స్ చేసారు. కానీ అసలు కారణం అది కాదు, మణికంఠ ని ఎలిమినేట్ చేయాలనే నిర్ణయం కేవలం శనివారం, ఆదివారం ఎపిసోడ్స్ కి మధ్యనే జరిగిందట. డేంజర్ జోన్ లో ఉన్నటువంటి పృథ్వీ, గౌతమ్ AV వీడియోలు సిద్ధం చేసి పెట్టుకున్నారు కానీ, మణికంఠ ని ఎలిమినేట్ చేసే ఉద్దేశ్యం లేకపోవడం వల్లే ఆయన AV వీడియో ని సిద్ధం చేయలేదు. అప్పటికప్పుడు తీసుకున్న నిర్ణయం కాబట్టే ఇలా జరిగిందని, ఈరోజు లేదా రేపు ఆయన AV వీడియో ని యూట్యూబ్, హాట్ స్టార్ లో అప్లోడ్ చేస్తారని విశ్వసనీయ వర్గాల నుండి అందుతున్న సమాచారం. కానీ అందరి కంటెస్టెంట్స్ కి దక్కిన గౌరవం మణికంఠ కి దక్కాలని, వచ్చే వారం వీకెండ్ ఎపిసోడ్ లో మణికంఠ కి సంబంధించిన AV ని టీవీ టెలికాస్ట్ లో వేయాలని ఆయన అభిమానులు కోరుకుంటున్నారు.
