Bigg Boss 6 Telugu: బిగ్ బాస్ సీజన్ 6కి సన్నాహాలు జరుగుతున్నాయి. మరో నెల రోజుల్లో ఈ క్రేజీ షో ప్రసారం కానుంది. ఇప్పటికే బిగ్ బాస్ 6 ప్రోమో విడుదల చేశారు. హోస్ట్ నాగార్జున ఈసారి సామాన్యులకు కూడా అవకాశం అంటూ ప్రకటించారు. గత మూడు సీజన్స్ నాగార్జున సారథ్యంలో సక్సెస్ ఫుల్ గా నడిచాయి. బిగ్ బాస్ ఫస్ట్ సీజన్ 2017 లో ప్రారంభం కాగా యంగ్ టైగర్ ఎన్టీఆర్ హోస్ట్ గా వ్యవహరించారు. ఆ విషయంలో ఆయన సూపర్ సక్సెస్ అయ్యారు. నెక్స్ట్ సీజన్ కి కూడా ఎన్టీఆర్ నే నిర్వాహకులు సంప్రదించారు. అయితే ఇతర కమిట్మెంట్స్ కారణంగా ఎన్టీఆర్ ఈ ఆఫర్ సున్నితంగా తిరస్కరించారు.
దీంతో హీరో నాని సీజన్ 2 హోస్ట్ గా వ్యవహరించారు. నాని హోస్టింగ్ పై మిక్స్డ్ టాక్ వచ్చింది. ఈ నేపథ్యంలో ఎవరు మీలో కోటీశ్వరుడు హోస్ట్ గా సక్సెస్ అయిన నాగార్జునను రంగంలోకి దించారు. సీజన్ 3 నుండి ఆయనే బిగ్ బాస్ హోస్ట్ గా వ్యవహరిస్తున్నారు. అనూహ్యంగా సమంత పేరు తెరపైకి వచ్చింది. బిగ్ బాస్ సీజన్ 6 హోస్ట్ బాధ్యతలు సమంత చేపట్టనున్నారనేది లేటెస్ట్ టాక్. దీనిపై అధికారిక సమాచారం లేకున్నప్పటికీ ప్రముఖంగా వినిపిస్తోంది.
Also Read: Sunny Leone: సెక్స్ వర్కర్ కు ఫోర్న్ స్టార్ కు మధ్య తేడా ఏంటి..? సన్నీ లియోన్ సంచలన సమాధానం
బిగ్ బాస్ సీజన్ 4లో ఓ వారం సమంత హోస్ట్ గా సందడి చేశారు. వైల్డ్ డాగ్ మూవీ షూటింగ్ కోసం నాగార్జున మనాలి వెళ్లారు. దీంతో ఆ వారాంతం సమంత నాగార్జున బాధ్యత తీసుకొని విజయవంతంగా నిర్వహించారు. ఈసారి ఆమె ఫుల్ సీజన్ కి హోస్ట్ గా చేస్తారట. అయితే ఇది సాధ్యమయ్యే సూచనలు లేవు. చేతి నిండా సినిమాలతో బిజీగా ఉన్న సమంతకు బిగ్ బాస్ హోస్ట్ గా వ్యవహరించే తీరిక దొరక్కపోవచ్చు. అలాగే ఆమె మకాం ముంబైకి మార్చారు. బిగ్ బాస్ షూటింగ్ కోసం ప్రతివారం హైదరాబాద్ రావడం కష్టమే. కాబట్టి ఈ రూమర్స్ లో నిజం ఉండకపోవచ్చు.
ఒకవేళ నిజంగా సమంత హోస్టింగ్ చేస్తే… షో ఒకింత కొత్తదనం సంతరించుకుంటుంది. ఇక ఆహా యాప్ లో సమంత ఓ సెలెబ్రిటీ టాక్ షో నిర్వహించిన విషయం తెలిసిందే. సామ్ జామ్ పేరుతో ప్రసారమైన ఈ షోలో సమంత చిరంజీవి, అల్లు అర్జున్, విజయ్ దేవరకొండ, రానా వంటి పలువురు స్టార్స్ ని ఇంటర్వ్యూ చేశారు. తన క్యూట్ క్యూట్ మాటలతో మెస్మరైజ్ చేశారు. అయితే ఈ షోకి ఊహించిన స్థాయిలో ఆదరణ దక్కలేదు.
Also Read:Ravi Teja Remuneration: ఏంటీ రవితేజకు డబ్బు పిచ్చిపట్టిందా?
Recomended Videos
