Balakrishna: సినిమా స్టార్స్ అంటే.. సొసైటీలో ఓ క్రేజ్ ఉంటుంది. కొందరు హీరోఇన్స్ను ఇష్టపడతారు. మరికొందరు హీరోలను లైక్ చేస్తారు. కొందరికి కమెడియన్స్ అంటే నచ్చుతారు. ఇలా ఎవరికి నచ్చిన వారిని వారు ఆరాధిస్తుంటారు. అయితే హీరోలకు ఉన్నంత క్రేజ్ ఎవరికీ ఉండదు. ఇండస్ట్రీలో ఎక్కువ క్రేజ్ ఉన్న హీరోల్లో బాలయ్య బాబు ఒకరు. మంచి ఫ్యాన్ పాలోకింగ్ ఉన్న బాలయ్యకు ఫ్యాన్స్ ఉండడం ఒక ఎత్తు అయితే.. ఆయన డైలాగ్స్, స్టైల్, డ్యాన్స్కు కూడా ఫ్యాన్స్ ఉంటారు. బాలయ్య సినిమా రిలీజ్ అవుతుందంటే తెలుగు రాష్ట్రాల్లో ఓ రేంజ్లో చర్చ జరుగుతుంది.
తనకు నచ్చిన విషయాలపై గొంతెత్తి మాట్లాడే బాలయ్య.. తనకు ఇష్టమైన వాటికోసం ఓ మెట్టు కూడా దిగుతారు. ఇటీవల బాలయ్య చేసిన పని చూసి చాలా మంది ఫిదా అవుతున్నారు. అభిమాని చెంప చెల్లుమనిపించి… అభిమాని ఫోన్ పగలగొట్టి వార్తల్లో నిలిచే బాలయ్య ఈసారి మాత్రం ఓ వీరాభిమానిని తన కార్యాలయం లోపలికి పిలిచి మరీ మాట్లాడారు.
దివ్యాంగుడు కావడంతో..
బాలయ్య అభిమాని అయిన ఆ వ్యక్తి దివ్యాంగుడు. కాళ్లపై నిలబడలేడు. కార్యాలయానికి రావడంతోనే వెంటనే లోపలికి ఆహ్వానించాడు. బాలయ్యతో నిలబడి మాట్లాడలేకపోవడంతో బాలయ్యే కిందకు దిగారు. మోకాళ్లపై కూర్చుని అభిమానిని ఆప్యాయంగా పలకరించారు. ఇప్పుడు ఈ ఫొటో, వీడియో సోషల్ మీడియాలో వైరల్ అవుతోంది. దీంతో బాలయ్య అభిమానులు స్పందిస్తున్నారు. తెలుగు ఇండస్ట్రీలో ఏ హీరో అయినా ఇలా చేస్తారా.. మా మాలయ్య తప్ప అంటూ సోషల్ మీడియాలో పొగడ్తలతో ముంచెత్తుతున్నారు.
జై జై బాలయ్య..
మా బాలయ్య కాబట్టే ఇలా చేశాడు అంటూ కామెంట చేస్తున్నారు. ఇండస్ట్రీలో ఏ హీరో అయినా ఇలా మాట్లాడతారా అని చాలెంజ్ చేస్తున్నారు. బాలయ్య బయటకు కోపంగా ఉన్నా.. మనసు వెన్న అంటు మెచ్చుకుంటున్నారు. తన అభిమానాన్ని అందరికీ పంచే బాలయ్యకు మేము అభిమానులం అని పలువురు పేర్కొంటున్నారు. కొంతమంది జై బాలయ్య.. జై జై బాలయ్య.. అని పోస్టులు పెడుతున్నారు.
