Balakrishna Injury: కాకినాడ లో గత కొద్దిరోజుల నుండి NBK111 విరామం లేకుండా షూటింగ్ జరుగుతుండగా, నిన్న ఒక భారీ యాక్షన్ సీక్వెన్స్ ని చిత్రీకరిస్తున్న సమయంలో బాలయ్య మోకాలికి గాయమైన సంగతి తెలిసిందే. వెంటనే ఆయనకు షూటింగ్ స్పాట్ లోనే ప్రధమ చికిత్స అందించి , అనంతరం ఆయన్ని హాస్పిటల్ కి తరలించారు. వైద్య పరీక్షలు చేసిన డాక్టర్లు , చిన్నపాటి సర్జరీ అవుతుందని సూచించారు. కొన్ని రోజులు విశ్రాంతి తీసుకోవాల్సి ఉంటుందని , ఆయన ఆరోగ్య పరిస్థితి పై ఎలాంటి ఆందోళన చెందాల్సిన అవసరం లేదని చెప్పడం అభిమానులు కాస్త ఊపిరి పీల్చుకున్నారు. అయితే కాసేపటి క్రితమే డాక్టర్లు బాలయ్య ఆరోగ్య పరిస్థితి పై కీలక బులిటెన్ విడుదల చేశారు. ఈ రిపోర్ట్ చూసిన తర్వాత అభిమానుల్లో చిన్నపాటి కంగారు మొదలైంది. ప్రమాద తీవ్రత అర్థం చేసుకొని ఆందోనళన వ్యక్తం చేస్తున్నారు.
పూర్తి వివరాల్లోకి వెళ్తే బాలయ్య ని పరీక్షించిన తర్వాత ఎడమ మోకాలి దగ్గర రక్తం గడ్డకట్టినట్టు గుర్తించామని, వాపు వచ్చిందని వెల్లడించారు. అదే విధంగా మోకాలి కండరాలు ఏమైనా చిరిగిందేమో అని అనుమానిస్తున్నట్లు కూడా చెప్పుకొచ్చారు. ప్రస్తుతం ఆయన్ని ఆయన్ని ఆర్థోపెడిక్ డాక్టర్లు దగ్గరుండి చూసుకుంటున్నారట. అంతే కాకుండా అనేక పరీక్షలు కూడా నిర్వహిస్తున్నారు. బాలయ్య పాత ఆరోగ్య రికార్డులను కూడా పరిశీలించిన తర్వాత , అతనికి సర్జరీ చేయొచ్చు అనే నిర్ధారణకు వచ్చారని, తద్వారా ఎలాంటి కాంప్లికేషన్స్ లేకుండా సురక్షితమైన వైద్యం అందించేందుకు వేర్వేరు విభాగాలకు సంబంధించిన డాక్టర్ల టీం పర్యవేక్షిస్తుందని AIG హాస్పిటల్స్ డాక్టర్లు ఈ సందర్భంగా చెప్పుకొచ్చారు. అయితే అభిమానులు ఎలాంటి ఆందోళన చెందాల్సిన అవసరం లేదని , ఆయన ఆరోగ్యం కుదుటపడిందని పేర్కొన్నారు. మోకాలు వాచి , రక్తం గడ్డ కట్టే రేంజ్ లో ఈ ప్రమాదం జరిగింది అనే విషయం అర్థం అయ్యాక అభిమానుల్లో ఒక టెన్షన్ మొదలైంది.
డాక్టర్లు ఎలాంటి భయం అక్కర్లేదని చెప్తున్నప్పటికీ కూడా, ఎంతైనా అభిమానులు కదా, ఈ రేంజ్ ప్రమాదం జరిగిందంటే ఆ మాత్రం భయం ఉండడం సహజమే. అయితే పెద్ద గాయమే అయ్యిందనే విషయం అర్థం అవుతోంది కాబట్టి NBK111 షూటింగ్ ఒక నెల రోజుల పాటు ఆగిపోయే అవకాశాలు ఉన్నాయి. అన్నీ అనుకున్న ప్లాన్ ప్రకారం జరిగి ఉండుంటే , కచ్చితంగా ఈ చిత్రాన్ని దసరా కి దింపాలనే ప్లాన్ లో ఉన్నారు మేకర్స్. కానీ ఇప్పుడు షూటింగ్ ఆగిపోవడం తో , ఈ ఏడాది విడుదల దాదాపుగా కష్టమే. వచ్చే ఏడాది సంక్రాంతి కానుకగా ఈ చిత్రాన్ని విడుదల చేసే అవకాశాలు ఉన్నాయి.
