Saripodhaa Sanivaaram
Saripodhaa Sanivaaram: పవర్ స్టార్ పవన్ కళ్యాణ్ కెరీర్ లో అత్యంత భారీ అంచనాలతో విడుదలైన చిత్రం ‘జానీ’. ఖుషి లాంటి ఇండస్ట్రీ హిట్ సినిమా తర్వాత, పవన్ కళ్యాణ్ స్వీయ దర్శకత్వంలో తెరకెక్కిన సినిమా కావడంతో ఈ మూవీ పై అప్పట్లో బాహుబలి సిరీస్ కి ఉన్నంత క్రేజ్, హైప్ ఉండేదట. ఈ చిత్రం విడుదలైన రోజు ఆంధ్ర ప్రదేశ్ యువత మొత్తం థియేటర్స్ లోనే ఉండేది అని జానీ క్రేజ్ ని కళ్లారా చూసిన వాళ్ళు చెప్తుంటారు. అయితే ఈ సినిమా అప్పటి ట్రెండ్ కి చాలా అడ్వాన్స్ గా ఉండడంతో ఘోరమైన డిజాస్టర్ ఫ్లాప్ గా నిల్చింది. ఆ తర్వాత పవన్ కళ్యాణ్ కెరీర్ లో కనీవినీ ఎరుగని రీతిలో హైప్, క్రేజ్ తో విడుదలైన చిత్రాలు జల్సా, పులి, పంజా, అత్తారింటికి దారేది, సర్దార్ గబ్బర్ సింగ్, అజ్ఞాతవాసి మరియు భీమ్లా నాయక్.
ఈ సినిమాలన్నీ భారీ అంచనాలతో విడుదలైనవే కానీ, ఒక్క సినిమా కూడా జానీ క్రేజ్ ని మ్యాచ్ చేయలేకపోయాయి. కానీ పవన్ కళ్యాణ్ ప్రస్తుతం చేస్తున్న ఓజీ చిత్రం మీద జానీ కి మించిన క్రేజ్ ఉందని ట్రేడ్ పండితులు అంటున్నారు. ఎక్కడికి వెళ్లినా ఓజీ పేరు పొరపాటున ఏ సెలబ్రిటీ నోటి నుండి అయినా వస్తే ఆడిటోరియం బద్దలయ్యే రేంజ్ రెస్పాన్స్ వస్తుంది. ఉదాహరణకి నిన్న న్యాచురల్ స్టార్ నాని హీరో గా నటించిన ‘సరిపోదా శనివారం’ చిత్రం థియేట్రికల్ ట్రైలర్ ని హైదరాబాద్ లోని సుదర్శన్ థియేటర్ లో అభిమానుల సమక్ష్యం లో విడుదల చేసారు. ఈ ట్రైలర్ కి ఫ్యాన్స్ నుండి అద్భుతమైన రెస్పాన్స్ వచ్చింది. అది కాసేపు పక్కన పెడితే, ఈ చిత్రానికి నిర్మాతగా వ్యవహరించిన డీవీవీ దానయ్య పవన్ కళ్యాణ్ ‘ఓజీ’ చిత్రానికి కూడా నిర్మాతగా వ్యవహరిస్తున్నాడు. ఆయన మైక్ అందుకోగానే థియేటర్ మొత్తం ‘ఓజీ’, ‘ఓజీ’ అనే నినందాలతో దద్దరిల్లిపోయింది. ఆ క్రేజ్ ని చూసి హీరో నాని కూడా మురిసిపోయాడు. ఓజీ గురించి చెప్పమని నిర్మాతని విపరీతంగా అభిమానులు ఒత్తిడి చెయ్యగా ఆయన ‘వస్తుంది..త్వరలోనే’ అని చెప్పి తప్పించుకున్నాడు.
వాస్తవానికి పవన్ కళ్యాణ్ డేట్స్ ఇచ్చి ఉంటే వచ్చే నెల 27 వ తారీఖున ఓజీ చిత్రం గ్రాండ్ గా విడుదలై ఉండేది. కానీ రాజకీయాల్లో బిజీ గా ఉండడం వల్ల పవన్ కళ్యాణ్ డేట్స్ వెంటనే కేటాయించలేకపోయాడు. దీంతో అదే తేదీన ఓజీ చిత్రానికి బదులుగా దేవర చిత్రం విడుదల అవుతుంది. సెప్టెంబర్ నెలలో పవన్ కళ్యాణ్ ఓజీ సినిమాకి డేట్స్ ఇచ్చినట్టు వార్తలు వినిపిస్తున్నాయి. వచ్చే ఏడాది సమ్మర్ కానుకగా ఈ చిత్రం మార్చి 28 వ తారీఖున విడుదలయ్యే అవకాశాలు ఉన్నాయని అంటున్నారు ట్రేడ్ పండితులు. ఇకపోతే సోషల్ మీడియా ని ఊపేస్తున్న ఓజీ రెస్పాన్స్ వీడియో క్రింద అందిస్తున్నాము చూసి ఎంజాయ్ చెయ్యండి.
