Ustaad Bhagat Singh : పవన్ కళ్యాణ్(Deputy CM Pawan Kalyan) అభిమానులు ఇంకా ఓజీ మేనియా నుండి బయటకు రాలేదు. సోషల్ మీడియా లో ఎక్కడ చూసినా ఓజీ సినిమాకు సంబంధించిన వీడియోలను అప్లోడ్ చేసి సంబరాలు చేసుకుంటున్నారు. కానీ ఇప్పుడు పవన్ ఫ్యాన్స్ గేర్ మార్చాల్సిన అవసరం వచ్చేసింది. ఎందుకంటే ఆయన తదుపరి చిత్రం ‘ఉస్తాద్ భగత్ సింగ్'(Ustaad Bhagat Singh Movie) కి సంబంధించిన అప్డేట్ వచ్చేసింది. త్వరలోనే ఈ సినిమాకు సంబంధించిన మొదటి లిరికల్ వీడియో సాంగ్ ని విడుదల చేయబోతున్నారు. వాస్తవానికి ఈ పాటని న్యూ ఇయర్ సందర్భంగా డిసెంబర్ 31 న విడుదల చేద్దాం అనుకున్నారు. కానీ అభిమానులు అప్పటి వరకు ఆగలేరనే విషయాన్నీ అర్థం చేసుకున్న మూవీ టీం,ఈ నెల రెండవ వారం లో ఈ పాట ని విడుదల చేసే ఆలోచనలో ఉన్నారు. కాసేపటి క్రితమే ఈ పాట షూటింగ్ కి సంబంధించిన ఒక వీడియో ని విడుదల చేసి, త్వరలోనే మొదటి పాటని ఎప్పుడు విడుదల చేయబోతున్నామో చెప్తాము అంటూ ఒక పోస్ట్ వేశారు.
ఈ వీడియో అభిమానులకు అమితంగా నచ్చేసింది. ఇందులో పవన్ కళ్యాణ్ లుక్స్ అదిరిపోయాయి. ఓజీ చిత్రం లో డాషింగ్ లుక్స్ తో పవన్ కళ్యాణ్ ఎంత అందంగా కనిపించాడో మనమంతా చూసాము, ఈ సినిమాలో అంతకు మించిన అందంతో కనిపించబోతున్నాడని ఈ చిన్న వీడియో ని చూస్తేనే అర్థం అవుతోంది. మొదట విడుదల చేయబోయే ఈ పాట పార్టీ థీమ్ కి సంబంధించినది అట. దేవి శ్రీ ప్రసాద్ ఇలాంటి పాటలను ఎంత అద్భుతంగా కంపోజ్ చేస్తాడో ప్రత్యేకించి చెప్పనవసరం లేదు. ఈ సినిమా ఆయనకు ఎంతో ప్రత్యేకం కాబట్టి, కచ్చితంగా ప్రాణం పెట్టి పని చేసి ఉంటాడని అనుకుంటున్నారు ఫ్యాన్స్. అంతే కాదు ఈ పాటలో పవన్ కళ్యాణ్ దుమ్ము లేచిపోయే రంగ్ స్టెప్పులతో అదరగొట్టేసాడట. కెరీర్ మొత్తం మీద ఈ రేంజ్ డ్యాన్స్ ఇంతకు ముందు ఆయన ఎప్పుడూ చేయలేదట. ఆ రేంజ్ ఎనర్జీ తో ఈ పాటలో ఆయన కనిపించనున్నాడు.
ఈ పాటలో శ్రీలీల కూడా కనిపించనుంది. శ్రీలీల తో పోటీ పడుతూ పవన్ కళ్యాణ్ డ్యాన్స్ వేస్తే ఎలా ఉంటుందో ఊహిస్తేనే కొత్తగా ఉంది కదూ. అభిమానులకు విజువల్ ఫీస్ట్ అనే చెప్పాలి. ఇకపోతే ఈ చిత్రాన్ని ఏప్రిల్ మూడవ వారం లో విడుదల చెయ్యాలని అనుకుంటున్నట్టు రీసెంట్ గానే ఆ చిత్ర నిర్మాత రవి శంకర్ ఒక ఈవెంట్ లో చెప్పుకొచ్చాడు. కానీ ఇప్పుడు మార్చ్ రెండవ వారం లో విడుదల చేస్తే ఎలా ఉంటుంది అనే ఆలోచనలో ఉన్నారట. మరో రెండు మూడు రోజుల్లో ఈ సినిమాకు సంబంధించిన షూటింగ్ మొత్తం పూర్తి కానుంది. మొదటి కాపీ కూడా ఈ నెలలోనే సిద్ధం చేసేలా ప్లాన్ చేస్తున్నాడు డైరెక్టర్ హరీష్ శంకర్.
The energy you love.
The dance you enjoy.
The attitude you celebrate.
The man you worship.All this in one single song envisioned by our CULT CAPTAIN @harish2you #UstaadBhagatSingh first single announcement very soon ❤#DeCeMberMonth will be celebrated
POWER… pic.twitter.com/6dM5FhvKbC
— Ustaad Bhagat Singh (@UBSTheFilm) December 1, 2025
