Anupama Parameswaran: హీరోయిన్ అనుపమ పరమేశ్వరన్ బోల్డ్ ఇమేజ్ కోసం ట్రై చేస్తుంది. పరిశ్రమలో హోమ్లీ హీరోయిన్స్ రాణించిన దాఖలాలు తక్కువే. ఈ జనరేషన్ లో అయితే ఒకరో ఇద్దరో ఉన్నారు. కమర్షియల్ చిత్రాల్లో గ్లామరస్ రోల్స్ చేసే హీరోయిన్స్ కోట్లు ఆర్జిస్తున్నారు. అలాగే వాళ్ళ కెరీర్ స్పాన్ కూడా ఎక్కువగా ఉంటుంది. ఈ విషయాన్ని లేటుగా అర్థం చేసుకున్న అనుపమ పరమేశ్వరన్… బోల్డ్ నెస్ కి తెరలేపింది. ముద్దు సన్నివేశాల్లో అభ్యంతరం లేకుండా నటిస్తుంది.
దిల్ రాజు వారసుడు ఆశిష్ హీరో నటించిన రౌడీ బాయ్స్ మూవీలో అనుపమ పరమేశ్వరన్ హీరోయిన్ గా నటించింది. ఆ మూవీలో లిప్ లాక్ సన్నివేశాల్లో పాల్గొంది. గతంలో అనుపమ కనీసం స్కిన్ షో చేసింది లేదు. అలాంటి హీరోయిన్ ఒక్కసారిగా లిప్ లాక్ సన్నివేశాలు చేయడంతో అందరూ షాక్ అయ్యారు. అనుపమ గురించి ప్రత్యేకంగా మాట్లాడుకున్నారు. అయితే రౌడీ బాయ్స్ ఏమంతగా ఆడలేదు. అనుపమ హద్దులు చెరిపేసినా ఫలితం దక్కలేదు.
రౌడీ బాయ్స్ లో ముద్దు సీన్స్ జస్ట్ శాంపిల్ మాత్రమే. టిల్లు స్క్వేర్ లో అమ్మడు మరింతగా రెచ్చిపోయింది. హీరో సిద్ధుతో కారులో రొమాన్స్ చేసింది. సుదీర్ఘమైన లిప్ లాక్ సీన్స్ చేసింది. టిల్లు స్క్వేర్ లో లెక్కకు మించిన ముద్దు సన్నివేశాలు ఉన్నాయని ట్రైలర్ చూస్తే అర్థం అవుతుంది. ఈ ప్రాజెక్ట్ ఒప్పుకున్నప్పుడే అనుపమ బోల్డ్ గా నటించనుందనే అంచనాకు జనాలు వచ్చారు. అయితే ఈ రేంజ్ లో ఊహించలేదు. బాలీవుడ్ హీరోయిన్స్ కి ఏమాత్రం తగ్గకుండా ముద్దు సన్నివేశాలు చేసింది.
ఈ దెబ్బతో అనుపమ హోమ్లీ ఇమేజ్ మటాష్ అని చెప్పొచ్చు. అయితే టిల్లు స్క్వేర్ విజయం సాధిస్తేనే ఆమె కష్టానికి ఫలితం ఉంటుంది. ఇంత చేసి మూవీ ప్లాప్ అయితే బూడిదలో పోసిన పన్నీరు అవుతుంది. టిల్లు స్క్వేర్ ట్రైలర్ చూస్తే… పక్కా బ్లాక్ బస్టర్ అనిపిస్తుంది. డీజే టిల్లు కి మించిన రొమాన్స్, కామెడీ, ఎంటర్టైన్మెంట్ టిల్లు స్క్వేర్ లో జోడించారు. టిల్లు స్క్వేర్ మార్చి 29న విడుదల కానుంది. మల్లిక్ రామ్ దర్శకుడు. సితార ఎంటర్టైన్మెంట్స్ బ్యానర్ లో నిర్మించారు.
