రాజమౌళి సినిమాలకు క్రేజ్‌ అంతాఇంతా కాదు. ఎప్పుడెప్పుడు కొత్త సినిమా రిలీజ్ అవుతుందా అని ఏళ్ల తరబడి వెయిట్‌ చూస్తూనే ఉంటారు అభిమానులు. బాహుబలి, బాహుబలి–2తో ప్రపంచ స్థాయిలో ఖ్యాతి సాధించిన రాజమౌళి ఇప్పుడు RRR తీస్తున్నారు. ‘రౌద్రం రణం రుధిరం’ ఈ మూవీ పేరు.
Also Read: హీరో కావాల్సిన లోకేష్ పొలిటీషన్ ఎలా అయ్యాడు?
‘ఎన్టీఆర్–రామ్‌చరణ్’ కాంబోలో ఈ సినిమా రాబోతోంది. ఈ సినిమాలో ఎన్టీఆర్‌‌కు జోడీగా హాలీవుడ్ బ్యూటీ ఒలివియా మోరిస్‌ను తీసుకున్నారు. ఇన్నాళ్లు కొవిడ్‌ కారణంగా ఆగిపోయిన షూటింగ్‌ మళ్లీ సెట్స్‌ మీదకు వెళ్తోంది. వచ్చే నవంబర్‌‌లో తదుపరి షెడ్యూల్‌ ప్లాన్ చేస్తున్నారు. ఈ షెడ్యుల్‌లో ఒలివియా మోరిస్ అండ్ ఎన్టీఆర్‌‌కు మధ్య నడిచే సీన్స్‌ను షూట్ చేయనున్నారట. ఎన్టీఆర్ మీద ఫస్ట్ లుక్ వీడియోను రిలీజ్ చేయడానికి ఈ సీన్స్‌లోని కొన్ని షాట్స్ అవసరం అవుతాయట. అందుకే ముందుగా ఈ సీన్స్‌ను ప్లాన్ చేస్తున్నారని తెలిసింది.
Also Read: మెగా బ్రదర్ నాగబాబుకు కరోనా సోకిందా?
ఇక ఈ సినిమాలో ఎన్టీఆర్ ప్రేమ కోసం ఒలివియా తమ దేశం పైన, తన తల్లిదండ్రుల పైనే పోరాడుతుందట. చివరికి ఎన్టీఆర్ మీద ప్రేమతోనే భారతదేశం కోసం ప్రాణాలు ఇస్తుందని.. ఎన్టీఆర్ – ఒలివియా ట్రాక్ కొత్తగా ఉంటుందని తెలుస్తోంది. డీవీవీ ఎంటర్టైన్మెంట్స్ పతాకంపై దానయ్య ఈ సినిమాని నిర్మిస్తున్నారు. ఈ చిత్రానికి కీరవాణి సంగీతం అందిస్తున్నారు.
కాగా ‘బాహుబలి’ తరువాత రాజమౌళి చేస్తున్న సినిమా కావడంతో ఈ సినిమాపై ఆరంభం నుంచి భారతీయ అన్ని సినీ పరిశ్రమల్లో భారీ అంచనాలు నెలకొన్నాయి.