Rajinikanth: సూపర్స్టార్ రజనికాంత్ హీరోగా సిరత్తై శివ దర్శకత్వంలో తెరకెక్కిన సినిమా అన్నాత్తై. తెలుగులో పెద్దన్న పేరుతో విడుదల చేసింది చిత్రబృందం. దీపావళి కానుగా ప్రేక్షకులను పలకరించిన ఈ సినిమా బాక్సాఫీసును బద్దలు కొట్టిన విషయం తెలిసిందే. భారత దేశంలోనే కాకుండా, ప్రపంచవ్యాప్తంగా భారీ వసూళ్లు రాబట్టింది. దాదాపు 300 కోట్లకుపైగా ప్రపంచవ్యాప్తంగా మార్కును దాటేసినట్లు ఇటీవల నిర్మాతలు వెల్లడించారు. అయితే, మంచిగా కలెక్షన్లు రాబట్టినా.. ఈ సినిమా టాక్ విషయంలో మిశ్రమ స్పందన లభించింది. తమిళనాడులో మాత్రం క్రేజీ వసూళ్లను రాబట్టింది ఈ సినిమా.
Rajinikanth
అయితే, ఏ సినిమా అయినా థియేటర్ తర్వాత ఓటీటీలో స్ట్రమింగ్ అవ్వడం ప్రస్తుతం ఆనవాయితీగా మారింది. ఈ క్రమంలోనే డిజిటల్ ప్లాట్ఫామ్లోనూ తమదైన శైలిలో ప్రచారాలు చేస్తుంటారు దర్శకనిర్మాతలు. కానీ, పెద్దన్న మాత్రం ఎలాంటి చప్పుడు లేకుండా స్ట్రీమింగ్కు రెడీ అయిపోయాడు. నెట్ఫ్లిక్స్ వేదికగా తమిళ్, హిందీతో పాటు ఇతర భాషల్లోనూ విడుదలై అందర్నీ ఆశ్చర్యపరిచింది. అయితే, ఇంకెందుకు ఆలస్యం థియేటర్లో మిస్ అయిన తలైవా స్టైల్ను నెట్ఫ్లిక్స్లో చూసేయండి.
Also Read: కోలుకున్న సూపర్ స్టార్ రజినీ కాంత్…ఆసుపత్రి నుంచి డిశ్చార్జ్
ఈ సినిమాలో రజనికాంత్ హీరో కాగా, కీర్తి సురేశ్ రజనీ చెల్లెలుగా నటించింది. ఇక మీనా, ఖుష్బు, ప్రకాశ్ రాజ్, సూరి, అభిమన్యు సింగ్, జగపతిబాబు సినిమాలో కీలకపాత్రలు పోషించారు. డి ఇమ్మాన్ ఈ సినిమాకు సంగీతం అందించారు.
రోబో తర్వాత పెద్దగా హిట్ అందుకోని రజనీ.. ఈ సినిమాతో కాస్త ఫర్వాలేదనిపించినట్లు తెలుస్తోంది. అయితే, రోబో2.0 సినిమా రజనీకి పెద్ద దెబ్బ వేసినట్లు తెలుస్తోంది. ఆ తర్వాత వచ్చిన పెటా, దర్బార్ వంటి సూపర్ హిట్ సినిమాలు కూడా ప్రేక్షకులను ఆకట్టుకోలేకపోయాయి. అయితే, పెద్దన్నగా రజనీ సత్తా చాటాడనే చెప్పాలి.
Also Read: ప్రస్తుతం రజినీకాంత్ ఆరోగ్యం ఎలా ఉందంటే