Pushpa 2 Sensational Record: 23 ఏళ్ళ పవన్ కళ్యాణ్ రికార్డు ని బద్దలు కొట్టిన ‘పుష్ప 2’..కేవలం ఆ ఒక్క థియేటర్ లోనే ఇంత వసూళ్లా!

Pushpa 2 The Rule : ఇండియన్ బాక్స్ ఆఫీస్ వద్ద పుష్ప 2 బ్రేక్ చెయ్యని రికార్డు అంటూ ఏది లేదు. ఎన్నో దశాబ్దాల నుండి చెక్కు చెదరకుండా ఉన్నటువంటి రికార్డ్స్ ని కూడా పైకి లేపి బద్దలు కొడుతుంది. ఒక సినిమాకి ఈ స్థాయి రికార్డ్స్ ప్రభంజనం ఈమధ్య కాలం లో మనం ఏ సినిమాకి చూడలేదు. ఈ వీకెండ్ తో వరల్డ్ వైడ్ కలెక్షన్స్ ని దాటి 1800 కోట్ల రూపాయిల గ్రాస్ ని అందుకోనున్న పుష్ప 2 , ఫుల్ రన్ లో 2000 కోట్ల రూపాయిల మార్కుని అందుకుంటుందా లేదా అనేది ఇప్పుడు ఆసక్తికరంగా మారిన అంశంగా గా చెప్పుకోవచ్చు. ఇదంతా పక్కన పెడితే తెలంగాణ ప్రాంతంలో ‘పుష్ప 2 ‘ 23 ఏళ్ళ నుండి చెక్కు చెదరకుండా ఉన్నటువంటి పవన్ కళ్యాణ్ ‘ఖుషి’ రికార్డు ని బద్దలు కొట్టి ఆల్ టైం సెన్సేషనల్ రికార్డు ని నెలకొల్పింది.

పూర్తి వివరాల్లోకి వెళ్తే గత 20 రోజులుగా సంధ్య థియేటర్ పేరు దేశవ్యాప్తంగా ఎలా మారుమోగిపోయిందో మనమంతా చూస్తూనే ఉన్నాం. ఈ థియేటర్ పవన్ కళ్యాణ్ ఫ్యాన్స్ కి వైకుంఠం లాంటిది. ఇందులో ఖుషి, తొలిప్రేమ వంటి చిత్రాలు అప్పట్లో ఆల్ టైం రికార్డ్స్ ని నెలకొల్పింది. తొలిప్రేమ చిత్రం 220 రోజులకు గాను 1 కోటి 10 లక్షల రూపాయిల గ్రాస్ వసూళ్లను రాబడితే, ఖుషి చిత్రం ఏకంగా 1 కోటి 58 లక్షల రూపాయిల గ్రాస్ వసూళ్లను రాబట్టింది. ఇప్పటి వరకు ఈ థియేటర్ లో ఎన్నో సెన్సేషనల్ బ్లాక్ బస్టర్ హిట్స్ వచ్చాయి. ఎన్నో పాన్ ఇండియన్ సినిమాలు విడుదల అయ్యాయి, కానీ ఒక్క సినిమా కూడా ఖుషి రికార్డు ని దాటలేకపోయింది. ప్రభాస్ నటించిన కల్కి చిత్రానికి కోటి 50 లక్షల రూపాయిల గ్రాస్ వసూళ్లు వచ్చాయి కానీ, ఖుషి రికార్డు ని అందుకోలేకపోయింది.

అయితే ఐకాన్ స్టార్ అల్లు అర్జున్ నటించిన ‘పుష్ప 2 ‘ చిత్రం మాత్రం కేవలం 24 రోజుల్లోనే ఖుషి థియేటర్ రికార్డు ని అధిగమించి సెన్సేషన్ సృష్టించింది. ఆరోజుల్లో ఖుషి చిత్రం పది రూపాయిల టికెట్ రేట్ తో ఈ స్థాయి వసూళ్లు సాధించి ఇన్ని రోజులు అన్ బీటబుల్ రికార్డు గా ఉన్నింది అంటే సాధారణమైన విషయం కాదు. దీనిని బట్టి పవన్ కళ్యాణ్ క్రేజ్ ఎలాంటిదో అర్థం చేసుకోవచ్చు. కానీ ఇన్ని రోజులు పదిలంగా ఉన్నటువంటి ఈ అనితరసాధ్యమైన రికార్డు బద్దలైందని పవన్ కళ్యాణ్ అభిమానులు కాస్త నిరాశకు గురయ్యారు. మరో 90 రోజుల్లో ఆయన నటించిన ‘హరి హర వీరమల్లు’ చిత్రం విడుదల కాబోతుంది. ఈ సినిమాతో ఆయన మరోసారి ఆల్ టైం రికార్డు ని ఈ థియేటర్ లో నెలకొల్పుతాడో లేదో చూడాలి. మార్చి 28 న ఈ చిత్రం ప్రేక్షకుల ముందుకు రాబోతుంది.