Allu Arjun: ఐకాన్స్టార్ అల్లుఅర్జున్హీరోగా ప్రతిష్టాత్మకంగా తెరకెక్కుతోన్న సినిమా పుష్ప. ఇటీవలే షూటింగ్ పూర్తి చేసుకి.. ప్రమోషన్స్లో ఫుల్ బిజిగా ఉన్నాడు బన్నీ. అయితే, తాజాగా మరో షాకింగ్ అప్డేట్ రానున్నట్లు సమాచారం. అల్లు అర్జున్ అభిమానులందరినీ ఆశ్చర్యపరిచేలా ఓ బిగ్ అనౌన్స్మెంట్ చేయనున్నట్లు సన్నిహిత వర్గాలు తెలిపాయి. అయితే, ఇది సినిమాకు సంబంధించింది కాదట.
సినిమా కానప్పుడు మరి ఇంకేమైంటుందబ్బా అని అభిమానులు ఆసక్తిగా చర్చిస్తున్నారు. ఈ క్రమంలోనే ఏదైనా ఓటీటీకి సంబంధించి కానీ, లేదా స్పెషల్కా వర్క్ చేస్తున్న ప్రాజెక్టు విషయంలో కానీ అయ్యిండొచ్చని ఇండస్ట్రీలో చెప్పుకుంటున్నారు. మరి ఈ విషయంపై క్లారిటీ రావాలంటే.. బన్నీ అనౌన్స్మెంట్ వచ్చే వరకు వేచిచూడాల్సిందే.
మరోవైపు పుష్ప ప్రమోషన్స్తో ఫుల్ బిజీగా ఉన్నారు బన్నీ. ఈ సినిమాకు సుకుమార్ దర్శకత్వం వహిస్తోన్నసంగతి తెలిసిందే.. ఇందులో రష్మికా హీరోయిన్గా నటిస్తోంది. ఎర్రచందనం స్మగ్లింగ్ నేపథ్యంలో ఈ సినిమా రూపొందిస్తున్నారు. ఇందులో ఫహద్ ఫాసిల్, సునీల్ కీలకపాత్రల్లో నటిస్తున్నారు. మరోవైపు అనసూయ కూడా మాస్ క్యారెక్టర్లో దర్శనమివ్వనుంది. ఈ ఏడాది డిసెంబరు 17న ఐదు భాషల్లో విడుదల చేసేందుకు సిద్ధమైంది చిత్రబృందం. ఈ సినిమాతోనే బన్నీ బాలీవుడ్లోకి ఎంట్రీ ఇవ్వనున్నారు.
ఇప్పటికే అన్ని భాషల్లో డిస్ట్రిబ్యూటర్స్ కూడా కన్ఫర్మ్ అయినట్లు తెలుస్తోంది. ఈ4 ఎంటర్టైన్మెంట్ సంస్థ మలయాళంలో, తమిళంలో లైకా ప్రొడభన్స్, కన్నడలో స్వాగత్ ఎంటర్ప్రైజెస్, ఎవర్సీస్లో హంసినీ ఇంలా అన్ని చోట్ల పుష్పను విడుదల చేసేందుకు సర్వం సిద్ధం చేసినట్లు తెలుస్తోంది.
