Hero Sumanth: సినిమాలతో ప్రేక్షకులను పలకరించి వారి మనసును దోచుకున్న అక్కనేని వారస్సుల్లో ఒకరు సుమంత్. విభన్న కథాంశాలతో అభిమానులను పలకరించే ఈ హీరోకు.. గత కొంత కాలంగా సరైన్ హిట్ అందలేదు. గతంలో మళ్లీరావా సినిమాతో హిట్కొట్టాడు. ఆ తర్వాత నుంచి ఎంతో జాగ్రత్తగా సినిమాలను ఎంచుకుంటున్నారు. ఈ క్రమంలోనే మళ్లీ మొదలైంది అనే సినిమాకు ఓకే చెప్పారు. ప్రస్తుతం ఈ సినిమా షూటింగ్ దశలో ఉంది. త్వరలోనే ఈ సినిమా ప్రేక్షకుల ముందుకు రానుంది.
కాగా, తాజాగా, మరో ప్రాజెక్టుకు ఓకే చెప్పి పట్టాలెక్కించారు ఈ యంగ్ హీరో. సుమంత్ నటిస్తోన్న కొత్త సినిమా అహం రీబూట్. వాయుపుత్ర ఎంటర్టైన్మెంట్స్, ఎస్ ఒరిజినల్స్ కలిసి ఈ సినిమాను నిర్మిస్తున్నాయి. ప్రశాంత్ సాగర్ అట్లూరి దర్శకత్వం వహిస్తున్నారు. హైదరాబాద్ అన్నపూర్ణ స్టూడియోస్లో లాంఛనంగా ఈ సినిమా షూటింగ్ ప్రారంభమైంది. ఈ క్రమంలోనే ఓ పోస్టర్ను విడుదల చేసింది చిత్రబృందం.
ఇందులో సుమంత్ ఆర్జే పాత్రలో కనిపించనున్నారు. అహం రీబూట్ కచ్చితంగా ప్రేక్షకులకు కొత్త అనుభూతి ఇస్తుందని దర్శకుడు ప్రశాంత్ సాగర్ అన్నారు అహం అంటే నేను అని అర్థం. ఇక రీబూట్ అంటే మనిషికి సహజంగా ఉన్న కోపోద్రిక్తమైన లక్షణాలు. త్వరలోనే ఈ సినిమాకు సంబంధించిన మరిన్ని విషయాలు వెల్లడించనున్నట్లు మేకర్స్ తెలిపారు. చాలా కాలం తర్వా త మళ్లీ ట్రాక్లో పడిన సుమంత్కు ఈ సినిమాతోనైనా మంచి కమర్షియల్ బ్రేక్ వస్తుందేమో వేచి చూడాలి.
