Kamal Haasan: ప్రముఖ హీరో, మక్కల్ నీది మయ్యమ్ పార్టీ అధ్యక్షుడు కమల్ హసన్ కొద్ది రోజుల క్రితం కరోనా బారిన పడిన విషయం తెలిసిందే. ఇందుకు గాను ఆయన చెన్నైలోని రామచంద్ర మెడికల్ సెంటర్ లో చికిత్స తీసుకుంటున్నారు. దీంతో కమల్ ఆరోగ్యంపై దేశవ్యాప్తంగా ఆయన అభిమానుల్లో ఆందోళన నెలకొంది. ఆయన క్షేమంగా తిరిగి రావాలంటూ అభిమానులు ప్రార్థనలు చేశారు. సినీ ప్రముఖులు కూడా ఆయన కోలుకుని త్వరగా తిరిగి రావాలంటూ సోషల్ మీడియా వేదికగా పోస్ట్ లు కూడా చేశారు. కాగా వారందరి ప్రార్థనలు ఫలించి లోక నాయకుడు త్వరలోనే మామూలుగా మనందరి ముందుకు రానున్నారు. తాజాగా చెన్నైలోని రామచంద్ర మెడికల్ సెంటర్ వైద్య నిపుణులు కమల్ ఆరోగ్యం గురించి హెల్త్ బులెటిన్ విడుదల చేశారు.
ఈ హెల్త్ బులెటిన్ లో ఆయన కరోనా నుంచి కోటుకున్నట్లుగా డైడ్యూలు వెల్లడించారు. కమల్ ఆరోగ్యం ప్రస్తుతం నిలకడగా ఉందని… ఈ నెల 3న కమల్ హాసన్ ను డిశ్చార్జ్ చేస్తామని వైద్యులు తెలిపారు. ఈ నెల 4 నుంచి కమల్ తన పనులను చేసుకోవచ్చని వైద్యులు పేర్కొన్నారు. ఇటీవలే షూటింగ్ నిమిత్తం అమెరికా వెళ్లి వచ్చిన కమల్ ఒంట్లో నలతగా ఉండి పలు కొవిడ్ లక్షణాలు కనిపించడంతో వెళ్లి టెస్టు చేయించుకోగా.. పాజిటివ్గా నిర్ధరణ అయ్యింది. కాగా, ప్రస్తుతం కమల్ విక్రమ్ సినిమా తీస్తున్న సంగతి తెలిసిందే. ఇందులో విభిన్న పాత్రలో కనిపించనున్నారు. ఈ సినిమాలో విజయ్సేతుపతి కూడా కనిపించనున్నారు. ఇటీవలే విడుదలైన గ్లింప్స్ వీడియో నెట్టింట వైరల్గా మారింది. కమల్ హాసన్ ఆరోగ్యం కుదుటపడిందన్న వార్తతో ఆయన అభిమానులు, సినీ ప్రముఖులు ఊపిరి పీల్చుకుంటున్నారు. ప్రస్తుతం ఈ వార్త సోషల్ మీడియా లో వైరల్ గా మారింది.
