ప్రముఖ సాఫ్ట్ వేర్ కంపెనీ హెచ్సీఎల్ ఇంజనీరింగ్ పాసైన నిరుద్యోగ అభ్యర్థులకు అదిరిపోయే శుభవార్త చెప్పింది. విజయవాడలోని హెచ్సీఎల్ క్యాంపస్ లో 1000 ఐటీ ఉద్యోగాల భర్తీకి సిద్ధమైంది. హెచ్సీఎల్ న్యూ విస్టాస్‌ కార్యక్రమంలో భాగంగా వర్చువల్ విధానం ద్వారా ఈ ఉద్యోగాలకు ఎంపిక ప్రక్రియ చేపడుతుంది. ఇంజనీరింగ్ ఫ్రెషర్స్ తో పాటు అనుభవం ఉన్న అభ్యర్థులు కూడా ఈ ఉద్యోగాల కొరకు దరఖాస్తు చేసుకోవచ్చు.
Also Read: నిరుద్యోగులకు ఆర్బీఐ శుభవార్త.. రూ.83 వేల వేతనంతో ఉద్యోగాలు..?
హెచ్సీఎల్ టెక్నాలజీస్‌ వైస్‌ ప్రెసిడెంట్‌ శ్రీమతి శివశంకర్‌ ఈ విషయాలను వెల్లడించారు. https://www.hcltech.com/careers/vijayawada వెబ్ సైట్ ద్వారా ఈ ఉద్యోగాలకు సులభంగా దరఖాస్తు చేసుకోవచ్చు. ప్రస్తుతం విజయవాడ హెచ్సీఎల్ క్యాంపస్ లో 1,500 మంది ఐటీ ఉద్యోగులు పని చేస్తుండగా రాబోయే నాలుగు సంవత్సరాలలో ఉద్యోగుల సంఖ్యను 5,000కు పెంచనున్నట్టు సమాచారం.
Also Read: పదో తరగతి విద్యార్థులకు అలర్ట్.. పరీక్షలు ఎప్పటినుంచంటే..?
ఫిబ్రవరి 12, 13వ తేదీలలో దరఖాస్తు చేసుకున్న అభ్యర్థులు హాజరు కావాల్సి ఉంటుంది. ఉదయం 10 గంటల నుంచి సాయంత్రం 4 గంటల వరకు ఈ రిక్రూట్ మెంట్ డ్రైవ్ జరుగుతుంది. అర్హత, ఆసక్తి ఉన్న అభ్యర్థులు ఫిబ్రవరి నెల 11వ తేదీలోపు దరఖాస్తు చేసుకోవాల్సి ఉంటుంది. అనుభవం ఉన్న అభ్యర్థులకు చిప్‌ డిజైనింగ్, డాట్‌నెట్‌, జావా ఇతర అంశాలపై పరీక్షలు నిర్వహిస్తారు.
మరిన్ని వార్తలు కోసం: విద్య / ఉద్యోగాలు
వెబ్ సైట్ ద్వారా ఈ ఉద్యోగాలకు సంబంధించిన ఇతర వివరాలను తెలుసుకోవచ్చు. సాఫ్ట్ వేర్ ఉద్యోగాలపై ఆసక్తి ఉన్నవాళ్లకు ఈ రిక్రూట్ మెంట్ డ్రైవ్ ద్వారా ప్రయోజనం చేకూరనుంది. ఎక్కువ సంఖ్యలో ఉద్యోగాల భర్తీ జరగనుండటంతో ప్రతిభ ఉన్న అభ్యర్థులు సులభంగా ఎంపికయ్యే అవకాశాలు ఉంటాయి.