Board Exams : సంవత్సరానికి రెండు సార్లు బోర్డు పరీక్షలు.. పిల్లల మానసిక ఆరోగ్యం పై ప్రభావం చూపుతాయా?

Board Exams : CBSE బోర్డు ఇకపై సంవత్సరానికి రెండుసార్లు బోర్డు పరీక్షలను నిర్వహిస్తుంది. అంటే వచ్చే ఏడాది 2026 నుంచి, CBSE 10వ తరగతి బోర్డు పరీక్షలు సంవత్సరానికి రెండుసార్లు నిర్వహిస్తారట. బోర్డు తీసుకున్న ఈ నిర్ణయం వల్ల విద్యార్థులు ప్రయోజనం పొందుతారని అంటున్నారు కొందరు విశ్లేషకులు. దీనివల్ల సిలబస్ భారం తగ్గుతుందని.. ఫలితాలు కూడా మెరుగుపడవచ్చు అని కొందరి మాట. అంతేకాదు విద్యార్థులు ఏడాది పొడవునా పరీక్ష కోసం సిద్ధం అవుతుంటారు.
సో వారి సామర్థ్యం పెరిగే అవకాశం ఎక్కువ ఉంటుందని అంటున్నారు. ఇక స్కూల్స్ కు బంక్ కొట్టే పిల్లల సంఖ్య కూడా చాలా వరకు తగ్గుతుంది అని అంటున్నారు. కానీ కొందరు దీనికి విరుద్ధంగా పిల్లలకు ప్రెజర్ ఎక్కువ అవుతుంది అని వాదిస్తున్నారు.

సంవత్సరానికి ఒకసారి బోర్డు పరీక్షలు నిర్వహించడం వల్ల పిల్లల మానసిక ఆరోగ్యంపై ఎలాంటి ప్రభావం చూపుతుందో స్పష్టంగా కనిపిస్తుంది. ఇక బోర్డు పరీక్షలు ఇలా రెండుసార్లు నిర్వహిస్తే, సమస్యలు పెరిగే అవకాశం ఉంటుంది అంటున్నారు. ఇంతకీ ఎలాంటి ప్రభావం పుడుతుందో తెలుసుకుందాం.

Also Read : బోర్డు నమూనా పత్రం నుంచి∙ప్రశ్నలు అడుగుతారా?’ ముఖ్యమైన సమాధానాలు ఇవీ?.

ప్రయోజనాలు:
సంవత్సరానికి రెండుసార్లు బోర్డు పరీక్షలు నిర్వహించడం వల్ల విద్యార్థులపై చదువు ఒత్తిడి తగ్గుతుందని, అది పెరిగే అవకాశం లేదని నిపుణులు చెబుతున్నారు. కానీ అది గణనీయమైన ఫలితాన్ని ఇవ్వదు అని కొందరి వాదన. నిజానికి, సిలబస్ భారం, పరీక్ష తయారీ విద్యార్థుల మానసిక ఆరోగ్యంపై ప్రభావాన్ని చూపుతుంది. రెండుసార్లు పరీక్ష రాయడం ద్వారా, వారు మెరుగ్గా సిద్ధం కావడానికి అవకాశం లభిస్తుంది. పరీక్ష రెండవ దశలో మరింత కష్టపడి మెరుగైన ఫలితాలను పొందే అవకాశం వారికి ఉంటుంది.

ప్రతికూల ఫలితాలు:
పరీక్షల ఒత్తిడి, దానితో ముడిపడి ఉన్న ఆందోళనను తేలికగా తీసుకోలేమని నిపుణులు విశ్వసిస్తున్నారు. 2022 NCERT 9 నుంచి 12 తరగతి వరకు చదువుతున్న పిల్లలలో దాదాపు 80 శాతం మంది పరీక్షలు, ఫలితాల కారణంగా ఒత్తిడికి గురవుతున్నారని తేల్చింది. సంవత్సరానికి రెండుసార్లు బోర్డు పరీక్షలు నిర్వహించడం వల్ల విద్యార్థులపై అదనపు ఒత్తిడి పడుతుందని కొందరు నిపుణులు అంటున్నారు. ఎందుకంటే వారు తక్కువ సమయంలో రెండు సెట్ల బోర్డు పరీక్షలకు సిద్ధం కావాలి. వాటిలో బాగా రాణించాలి. ఇది ఒత్తిడిని పెంచే అంశం. ముఖ్యంగా పరీక్షలలో ఇప్పటికే సవాళ్లను ఎదుర్కొంటున్న పిల్లలలో ఇది మరింత పెద్ద సమస్యగా మారుతుంది. అయితే కొందరు పరీక్షల్లో మార్కులు సరిగ్గా రావడం లేవని సూసైడ్ లు కూడా చేసుకుంటున్నారు. సో ఈ సంఖ్య పెరిగే అవకాశం కూడా ఉంటుంది.

సంవత్సరంలో రెండుసార్లు బోర్డు పరీక్షల ప్రతికూల అంశాలు

సంవత్సరానికి రెండుసార్లు బోర్డు పరీక్షలు ఉండటం వల్ల విద్యార్థులలో ఒత్తిడి స్థాయి పెరుగుతుంది. పరీక్షలకు సిద్ధం కావడానికి చాలా సమయం, కృషి అవసరం. అలాంటి పరిస్థితిలో, అనేక సమస్యలు తలెత్తవచ్చు. విద్యార్థులకు రెండవ అవకాశం లభించినప్పటికీ, ఇది రెండు పరీక్షలలో బాగా రాణించాలనే ఒత్తిడిని కూడా పెంచుతుంది. ఇది ఒత్తిడి స్థాయిని పెంచుతుంది. ఏడాది పొడవునా పరీక్షల కారణంగా, పిల్లలు పరీక్షలకు సిద్ధమయ్యే స్థితిలోనే ఉంటారు. ఇది వారి ఒత్తిడిని పెంచుతుంది. మానసిక ఆరోగ్యం మాత్రమే కాదు, వారి మొత్తం ఆరోగ్యం కూడా క్షీణించవచ్చు.

పరీక్షలు నిర్వహించడం వల్ల కలిగే ఒత్తిడి కారణంగా సిలబస్‌ను పూర్తి చేయడం కూడా ఒక సవాలుగా ఉంటుంది. విద్యార్థులు పరీక్షల మధ్య విరామం తీసుకుంటారు. రెండుసార్లు బోర్డు పరీక్షలు రాయడం వల్ల వారి మానసిక, భావోద్వేగ ఆరోగ్యంపై ప్రభావం చూపుతుంది. ఇక ఆటలు, పాటలు వంటివి మర్చిపోయే ప్రమాదం కూడా ఉంది అంటున్నారు నిపుణులు.

Also Read : ఫస్ట్ ఇయర్ కు పరీక్షలు లేవు.. ఇక ఇంటర్ సరికొత్తగా.. సమూల మార్పులు