వైవిధ్యమైన హీరో ధనుష్ సినిమా షూటింగ్ లో ప్రముఖ నటుడు ప్రకాష్ రాజ్ కు తీవ్ర గాయాలు అయ్యాయి. ప్రకాష్ రాజ్ చేతికి తీవ్ర గాయాలు అయ్యాయి. ఈ రోజు సాయంత్రం హైదరాబాద్ లో ప్రకాష్ రాజ్ కు శస్త్రచికిత్స జరగనుంది. ప్రస్తుతం ధనుష్ తన 43వ సినిమా షూటింగ్ చెన్నైలో జరుగుతుంది. త్యాగరాజన్ సమర్పణలో ఈ సినిమా రానుంది. ఈ చిత్రానికి కార్తీక్ నరేన్ దర్శకత్వం వహిస్తున్నారు.
అయితే, ఓ యాక్షన్ సీక్వెన్స్ షూట్ చేస్తున్న క్రమంలో ప్రకాష్ రాజ్ కి గాయాలు అయ్యాయని తెలుస్తోంది. అయితే, చేతికి మాత్రమే గాయాలు అయ్యాయి, ఇక ఆయనకు ఎలాంటి ప్రమాదం జరగలేదు. ఈ వార్త వినగానే ప్రకాష్ రాజ్ అభిమానులు సన్నిహితులు అందోళన చెందుతున్నారు. కానీ భయపడాల్సిన పని లేదని ఆ సినిమా యూనిట్ చెబుతుంది.
ఇక ధనుష్ చేస్తోన్న ఈ సినిమాకి జీవీ ప్రకాశ్ కుమార్ సంగీతం అందిస్తున్నారు. రీసెంట్ గానే ఈ సినిమాకు సంబంధించి.. ఫస్ట్‌లుక్‌ను జులై 28వ తేదీ విడుదల చేసింది చిత్రబృందం. సినిమాలో ధనుష్ లుక్ బాగా ఆకట్టుకుంది. అలాగే ప్రకాష్ రాజ్ లుక్ కూడా చాలా కొత్తగా ఉంటుంది. అయితే, ప్రకాష్ రాజ్ కి ప్రమాదం జరగడంతో ఈ సినిమా షూటింగ్ కి ప్రస్తుతానికి అయితే బ్రేక్ ఇచ్చారు.
అన్నట్టు ఈ సినిమాలో మాళవిక మోహనన్ హీరోయిన్‌గా నటిస్తుండగా.. ఇక ఈ సినిమాకి సంబంధించిన టీజర్ కోసం అభిమానులతో పాటు ప్రేక్షకులు ఎంతో ఆతృతగా ఎదురు చూస్తున్నారు.
https://twitter.com/prakashraaj/status/1425025005641887749