Hatchback Cars: భారతదేశంలో చాలామంది కొత్త కార్ కొనుగోలుదారులు ఎస్యూవీలను ఇష్టపడుతున్నారు. అయితే కొన్ని సంవత్సరాల క్రితం వరకు హ్యాచ్బ్యాక్ కార్లు దేశంలో అత్యధికంగా అమ్ముడయ్యాయి. అత్యంత ప్రజాదరణ పొందిన కార్లుగా పేరుగాంచాయి. 2023, నవంబర్లో అత్యధికంగా అమ్ముడైన 20 కార్ల జాబితాలో కేవలం నాలుగు హ్యాచ్బ్యాక్ కార్లు మాత్రమే ఉంటే, అవన్నీ మారుతి సుజుకీకి చెందినవే కావడం గమనార్హం.
నంబర్ వన్ వ్యాగన్ ఆర్..
2023, నవంబర్లో అత్యధికంగా అమ్ముడైన హ్యాచ్బ్యాక్ కార్లలో మొదటి స్థానంలో మారుతి సుజుకి వ్యాగన్ ఆర్ ఉంది. 2022, నవంబర్లో 14,720 యూనిట్ల అమ్మకాలతో పోలిస్తే గత నెలలో కంపెనీ 16,567 యూనిట్లను విక్రయించింది. ఇది వార్షిక ప్రాతిపదికన 13 శాతం ఎక్కువ. మారుతి సుజుకీ స్విఫ్ట్ వ్యాగన్ ఆర్ తర్వాత రెండవ స్థానంలో నిలిచింది. మొత్తం అమ్మకాలు 15,311 యూనిట్లతో 1 శాతం వృద్ధిని నమోదు చేశాయి.
బలెనోకు తగ్గిన డిమాండ్..
ఈ జాబితాలోని మిగిలిన మూడు హ్యాచ్బ్యాక్ల విషయంలో అదే పరిస్థితి లేదు. ఎందుకంటే, అవన్నీ 2023, నవంబర్లో అమ్మకాలలో క్షీణతను నమోదు చేశాయి. మారుతి సుజుకి బాలెనో 38 శాతం క్షీణతతో 12,961 యూనిట్లు విక్రయించి మూడోవ స్థానంలో నిలిచింది.
నాలుగో స్థానంలో ఆల్టో..
మారుతీ సుజుకి ఆల్టో కారు 2023 నవంబర్లో 8,076 యూనిట్ల విక్రయాలతో నాలుగో స్థానంలో నిలిచింది. ఒకప్పుడు భారతదేశంలో అత్యధికంగా అమ్ముడవుతున్న ఈ కారు అమ్మకాలు 2022 నంబర్తో పోలిస్తే 48 శాతం క్షీణించాయి.
ఐదో స్థానంలో హ్యుందాయ్ ఐ20..
హ్యుందాయ్ జీ20, 2023, నవంబర్లో 5,727 యూనిట్ల విక్రయాలతో భారతదేశంలో అత్యధికంగా అమ్ముడైన టాప్ 5 హ్యాచ్బ్యాక్ కార్ల జాబితాలో చేరింది. అయితే, గతేడాదితో పోలిస్తే దీని అమ్మకాలు 21% క్షీణించాయి.
