Oppo Find X9 Ultra launch in India: Oppo కంపెనీ నుంచి కొత్త మొబైల్స్ మార్కెట్లోకి వచ్చాయి. కెమెరా పనితీరుతో పాటు అద్భుతమైన ఫీచర్లు కావాలని అనుకునేవారు ఈ కంపెనీకి చెందిన ఫోన్లు ఎక్కువగా కొనుగోలు చేస్తుంటారు. ఇందులో భాగంగా కంపెనీ నుంచి Find X9 Ultra,Find X9s స్మార్ట్ఫోన్లు భారత మార్కెట్లో అధికారికంగా లాంచ్ అయ్యాయి. ఇవి 28 మే 2026 నుంచి అందుబాటులోకి రానున్నాయి. ఈ రెండు ఫోన్ల పెర్ఫామెన్స్ గురించి వివరాల్లోకి వెళితె..
Oppo Find X9 Ultra మొబైల్ లో Qualcomm Snapdragon 8 Elite Gen 5 చిప్ సెట్ ఉండనుంది. ఇది అత్యంత శక్తివంతమైన ఫ్లాగ్షిప్ ప్రాసెసర్. ఇది 16GB RAM వరకు సపోర్ట్ చేస్తుంది. అలాగే భారతదేశంలో 12GB RAM + 512GB స్టోరేజ్ వేరియంట్లో దీనిని రూ. 1,69,999 ధరతో అందుబాటులో ఉండనుంది. ఈ ప్రాసెసర్, ర్యామ్ తో మల్టీటాస్కింగ్, AI ప్రాసెసింగ్ ఉపయోగించేవారికి అనుగుణంగా ఉంటుంది.
X9 Ultraలో 6.8 అంగుళాల AMOLED డిస్ప్లే ఉంది. ఇది 2K రెజల్యూషన్, 144Hz రిఫ్రెష్ రేట్తో పనిచేస్తుంది. ఇది AI-పవర్డ్ అడాప్టివ్ ఐ కేర్ టెక్నాలజీతో వచ్చి తక్కువ లైట్తో ఉంటుంది. X9 Ultraలో డ్యూయెల్ కెమెరాలు ఉన్నాయి. ఇవి 200MP మెయిన్ కెమెరా, మరొకటి 50MP 10x ఆప్టికల్ టెల్లిఫోటో లెన్స్. ఇది 8K Ultra-Clear వీడియో రికార్డింగ్ను సపోర్ట్ చేస్తుంది.
X9 Ultraలో విపరీతమైన 7050mAh బ్యాటరీ కనిపిస్తుంది. ఇది సిలికాన్ కార్బన్ టెక్నాలజీతో తయారైంది. ఈ బ్యాటరీ 100 W వైర్డ్ చార్జింగ్, 50W ర్లెస్ చార్జింగ్ను సపోర్ట్ చేస్తుంది. ఒక రోజంతా కెమెరా, గేమింగ్, వీడియో స్ట్రీమింగ్కు పూర్తి బ్యాక్అప్ అందిస్తుంది.
Oppo Find X9s కూడా Snapdragon 8 సిరీస్ ప్రాసెసర్తో వస్తుంది, 12GB RAM + 256GB/512GB స్టోరేజ్ ఉంటుంది. దీని ధర ప్రారంభ ధర రూ.79,999 ఉండగా.. ఇందులో 7025mAh బ్యాటరీ ఉండనుంది. ఈ బ్యాటరీకి 80W ఫాస్ట్ చార్జింగ్ సపోర్టు చేస్తుంది. బ్యాంక్ కార్డ్ ఆఫర్లతో X9s మొబైల్ ను రూ. 62,199కి కొనుగోలు చేయొచ్చు. Ultra ధర రూ.1,36,999కి తగ్గుతుంది. ఈ ఫోన్లు OPPO e-Store, Flipkart, Amazon స్టోర్లలో అందుబాటులో ఉంటాయి.
