New Smartphones May 2026: భారతదేశంలో మొబైల్స్ వినియోగం రోజురోజుకు పెరిగిపోతోంది. దీంతో కంపెనీలు సైతం వినియోగదారుల అవసరాలను దృష్టిలో ఉంచుకొని కొత్త కొత్త మోడల్స్ ను మార్కెట్లోకి తీసుకువస్తున్నాయి. 2026 మే నెలలో మూడు కొత్త ఫోన్లు లాంచ్ కాబోతున్నాయి. వీటిలో OnePlus Nord CE 6 Series, Oppo Find X9 Ultra, Vivo X300 Ultra ఉన్నాయి. వీటి గురించి ఇప్పటికై ఆన్ లైన్ లో సమాచారం రావడంతో స్పెక్స్ పరంగా చాలా హైప్ క్రియేట్ చేస్తున్నాయి. అందుబాటులో ఉన్న తాజా సమాచారం ఆధారంగా, ఇవి ముఖ్యంగా డిస్ప్లే, కెమెరా, బ్యాటరీ, పనితీరు మీద ఫోకస్ చేసిన ఫోన్లు అని తెలుస్తోంది. ఈ ఫోన్లు ఎలా ఉండబోతున్నాయంటే?
OnePlus Nord CE 6 Series:
OnePlus Nord CE 6, Nord CE 6 Lite అనే రెండు మోడల్స్ మే 7న భారత్లో లాంచ్ అయ్యే అవకాశముంది. Nord CE 6లో 144Hz డిస్ప్లే ఉండనుంది. Snapdragon 7s Gen 4 చిప్సెట్ సెట్ చేయనున్నారు. 50MP OIS కెమెరాతో ఆకట్టుకోనుంది. 8000mAh బ్యాటరీ ఉండగా.. దీనికి 80W ఫాస్ట్ చార్జింగ్ వంటి ఫీచర్లు ఉండొచ్చని తెలుస్తోంది. ఇవి మిడ్-రేంజ్ యూజర్ల కోసం బ్యాలెన్స్డ్ పర్ఫార్మెన్స్, గేమింగ్, పెద్ద బ్యాటరీ కోరుకునే బాగా ఉపయోపడనున్నాయి.
Oppo Find X9 Ultra:
Oppo Find X9 Ultra అనే మోడల్ ఫ్లాగ్షిప్ సెగ్మెంట్లో రాబోతుంది. ఆన్ లైన్ సమాచారం ప్రకారం ఇందులో 2K రిజల్యూషన్ 144Hz రిఫ్రెష్ రేట్ తో కూడిన డిస్ప్లే ఉండనుంది. Snapdragon 8 Gen 5 Elite ప్రాసెసర్ తో ఆకట్టుకోనుంది. సుమారు 7050mAh బ్యాటరీ ఉండగా.. దీనికి ఫాస్టెస్ట్ ఛార్జర్ సపోర్ట్ గా ఉండనుంది. శాటిలైట్ కనెక్టివిటీ, మెరుగైన స్పీకర్లు దీని సొంతం. కెమెరా పరంగా ఇది అత్యంత హైలైట్ అవుతోంది, ఎందుకంటే ఇందులో 200MP ప్రధాన కెమెరా ఉండనుంది.
Vivo X300 Ultra:
Vivo X300 Ultra కూడా మే 2026లో మార్కెట్లోకి రాబోతుంది. ఇది పెద్ద లాంచ్లలో ఒకటిగా నిలిచే అవకాశం ఉంది. ఈ మోడల్ Snapdragon 8 Elite Gen 5 చిప్సెట్ తో పని చేయనుంది. Vivo ఈ మోడల్తో పాటు Zeiss Telephoto Extender Gen 2, Photographer Kit లాంటి యాక్సెసరీలను కూడా అందించే అవకాశం ఉంది. అంటే ఇది మొబైల్ ఫోటోగ్రఫీ యూజర్లను టార్గెట్ చేస్తోంది.
