Maruti Suzuki Swift : పాకిస్తాన్‌లో స్విఫ్ట్ కొనాలంటే కిడ్నీ అమ్మాల్సిందేనేమో!

Maruti Suzuki Swift : మంచి మైలేజ్, లో మెయింటెనెన్స్ కారణంగా మారుతి సుజుకీ కార్లు భారత మార్కెట్లో వినియోగదారులను బాగా మెప్పిస్తున్నాయి. కేవలం భారతదేశంలోనే కాకుండా పాకిస్తాన్‌లో కూడా సుజుకి కంపెనీ కార్లు అమ్ముడవుతాయి. అయితే, ఈ రెండు దేశాల ధరల మధ్య వ్యత్యాసం చూస్తే షాక్ అవ్వాల్సిందే. భారతదేశంలో విడుదలైన తొలినాళ్లలోనే రికార్డు స్థాయి అమ్మకాలు సాధించిన ఓ కారు గురించి ఈ కథనంలో తెలుసుకుందాం. ఆ కారు పేరు మారుతి సుజుకి స్విఫ్ట్ (Maruti Suzuki Swift). భారతదేశంలో రికార్డులు సృష్టించిన ఈ పాపులర్ హ్యాచ్‌బ్యాక్ పాకిస్తాన్‌లో ఎంత ధర పలుకుతుందో చూద్దాం.

Also Read : ఆరు నెలల్లోనే 94 వేలకు పైగా అమ్మకాలు.. ధర కూడా అంతంతే.. ఈ ఫెవరెట్ కారు గురించి తెలుసుకుందామా?

పాకిస్తాన్‌లో స్విఫ్ట్ ధర ఎంతంటే…
ఇటీవల మారుతి సుజుకి స్విఫ్ట్ ధర పెరిగింది. అంతకుముందు ఈ హ్యాచ్‌బ్యాక్ ధర PKR 4336000 (సుమారు రూ.13,17,731). కానీ ఇప్పుడు ధర పెరిగిన తర్వాత ఈ కారు ప్రారంభ ధర PKR 4416000 (సుమారు రూ.13,42,043)కి చేరుకుంది. ఇప్పుడు ఈ కారు పాకిస్తాన్‌లో 80000 పాకిస్తానీ రూపాయలు (సుమారు రూ.24,312) ఎక్కువ ధరతో లభిస్తుంది. ఈ కారు మిడ్ వేరియంట్ ధర PKR 4,560,000 (సుమారు రూ.13,85,805), టాప్ వేరియంట్ ధర PKR 4,719,000 (సుమారు రూ. 14,34,126).

పాకిస్తాన్‌లో మారుతి ఈ హ్యాచ్‌బ్యాక్ ధర ఎంత ఎక్కువగా ఉందంటే.. భారతదేశంలో వినియోగదారులు ఈ ధరకు ఒక SUVని కొనుగోలు చేయవచ్చు. భారతీయ మార్కెట్‌లో స్విఫ్ట్ బేస్ వేరియంట్ ధర రూ. 6.49లక్షలు (ఎక్స్-షోరూమ్). ఈ కారు టాప్ వేరియంట్‌ను కొనుగోలు చేయాలంటే రూ.9.65లక్షలు (ఎక్స్-షోరూమ్) ఖర్చు చేయాల్సి ఉంటుంది. ఇన్సూరెన్స్, ఇతర ఛార్జీలు కలిపితే ఆన్-రోడ్ ధర రెండు దేశాలలో వేర్వేరుగా ఉంటుంది.

ఇంజిన్ వివరాలు
పాకిస్తాన్‌లో విక్రయించబడుతున్న స్విఫ్ట్‌లో 1197 cc K12M ఇంజన్ అమర్చబడి ఉంది, ఇది 113Nm టార్క్‌ను ఉత్పత్తి చేస్తుంది. మరోవైపు, భారతదేశంలో విక్రయించబడుతున్న స్విఫ్ట్ విషయానికి వస్తే ఈ కారులో కూడా 1197 cc Z12E ఇంజన్ ఉంది. ఇది 111.7Nm టార్క్‌ను ఉత్పత్తి చేస్తుంది.

సేఫ్టీ ఫీచర్స్
భారతదేశంలో అమ్ముతున్న మారుతి సుజుకి స్విఫ్ట్ అన్ని వేరియంట్‌లలో వినియోగదారుల సేఫ్టీ కోసం 6 ఎయిర్‌బ్యాగ్‌లు ఇచ్చారు. దీనితో పాటు ఈ కారులో యాంటీ బ్రేకింగ్ సిస్టమ్, హిల్ హోల్డ్ అసిస్ట్, ఎలక్ట్రానిక్ స్టెబిలిటీ ప్రోగ్రామ్, రివర్స్ పార్కింగ్ కెమెరా, చైల్డ్ సీట్ కోసం ISOFIX సపోర్ట్ లభిస్తుంది. మరోవైపు, పాకిస్తాన్‌లో విక్రయించబడుతున్న స్విఫ్ట్‌లో సేఫ్టీ కోసం రియర్ వ్యూ కెమెరా, పార్కింగ్ సెన్సార్, 6 ఎయిర్‌బ్యాగ్‌లు, పిల్లల సీటు అమర్చడానికి ISOFIX సపోర్ట్ లభిస్తాయి.

Also Read : మారుతి స్విప్ట్.. సేప్టీ రేటింగ్ లో దీని ర్యాంక్ ఎంతంటే? ఇది నమ్మగలరా? అసలు విషయమేంటంటే?