Hyundai Creta : గతేడాది ప్రారంభంలో హ్యుందాయ్ తన కార్లన్నింటినీ అప్‌డేట్ చేసింది. అందులో భాగంగా క్రెటాకు కూడా మిడ్-సైకిల్ అప్‌డేట్ ఇచ్చింది. ఈ అప్‌డేట్‌లో బయటి డిజైన్‌తో పాటు లోపలి ఫీచర్లలో కూడా మార్పులు చేశారు. దీని ఫలితంగా, ఇదివరకే అందరి ఫేవరెట్‌గా ఉన్న ఈ ఎస్యూవీ అమ్మకాల పరంగా కూడా దూసుకుపోతోంది. క్రెటా సాధిస్తున్న ఈ విజయం వెనుక కొన్ని కారణాలున్నాయి. కాంపాక్ట్ ఎస్యూవీ సెగ్మెంట్‌లో క్రెటానే కస్టమర్లు ఎందుకు ఇంతగా ఇష్టపడుతున్నారో.. అందుకు గల 5 ముఖ్య కారణాలు తెలుసుకుందాం.
Also Raed : వచ్చి పదేళ్లు అయినా క్రేజ్ ఏమాత్రం తగ్గలేదు.. టాటా, మారుతి కూడా దీని వెనుకే
1. పవర్ఫుల్ ఇంజన్
హ్యుందాయ్ క్రెటా సక్సెస్ అవ్వడానికి ఒక ముఖ్యమైన కారణం దాని పవర్ఫుల్ పెర్ఫార్మెన్స్. ఈ ఎస్యూవీ అనేక ఇంజన్ ఆప్షన్లలో అందుబాటులో ఉంది. ఇందులో 1.5-లీటర్ నేచురల్లీ ఆస్పిరేటెడ్ పెట్రోల్, 1.5-లీటర్ టర్బో పెట్రోల్, 1.5-లీటర్ డీజిల్ ఇంజన్లు ఉన్నాయి. ఈ మూడు ఇంజన్లతో క్రెటా డ్రైవింగ్ ఎక్స్‌పీరియన్స్ చాలా బాగుంటుంది. అంతేకాకుండా, ఇందులో ఆటోమేటిక్, మాన్యువల్ గేర్‌బాక్స్ ఆప్షన్లు కూడా ఉన్నాయి.
2. సేఫ్టీ ఫీచర్లు
హ్యుందాయ్ క్రెటాలో అనేక రకాల సేఫ్టీ ఫీచర్లు ఉన్నాయి. ఇందులో 6 ఎయిర్‌బ్యాగ్‌లు, ఎలక్ట్రానిక్ బ్రేక్ ఫోర్స్ డిస్ట్రిబ్యూషన్‌తో కూడిన యాంటీ-లాక్ బ్రేకింగ్ సిస్టమ్ (ABS), స్టెబిలిటీ కంట్రోల్, హిల్-స్టార్ట్ అసిస్ట్, ఆల్-వీల్ డిస్క్ బ్రేక్‌లు ఉన్నాయి. టైర్ ప్రెజర్ మానిటరింగ్ సిస్టమ్ కూడా ఉంది. హ్యుందాయ్ క్రెటాలో లెవెల్ 2 అడ్వాన్స్‌డ్ డ్రైవర్ అసిస్టెన్స్ సిస్టమ్ (ADAS)ను కూడా అందించింది. ఇందులో అడాప్టివ్ క్రూయిజ్ కంట్రోల్, ఫార్వర్డ్ కొలిషన్ వార్నింగ్, ఆటోనోమస్ ఎమర్జెన్సీ బ్రేకింగ్, బ్లైండ్ స్పాట్ మానిటరింగ్ వంటి ఫీచర్లు ఉన్నాయి.
3. లేటెస్ట్ ఫీచర్లు
హ్యుందాయ్ క్రెటా ఇంత పెద్ద విజయాన్ని సాధించడానికి మరో ముఖ్య కారణం దాని వేర్వేరు వేరియంట్లలో ఉన్న ఫీచర్లు. ఇంటీరియర్‌లో 10.25-అంగుళాల చొప్పున రెండు స్క్రీన్ల సిస్టమ్ ఉంది. ఒకటి ఇన్స్ట్రుమెంట్ క్లస్టర్‌గా, మరొకటి ఇన్ఫోటైన్‌మెంట్ ప్యానెల్‌గా పనిచేస్తుంది. ఇన్ఫోటైన్‌మెంట్ స్క్రీన్‌లో ఆండ్రాయిడ్ ఆటో, ఆపిల్ కార్‌ప్లే స్మార్ట్‌ఫోన్ కనెక్టివిటీ ఉంది. ఇందులో డ్యూయల్-జోన్ క్లైమేట్ కంట్రోల్, కనెక్టెడ్ కార్ ఫీచర్లు, బోస్ 8-స్పీకర్ ఆడియో సిస్టమ్ కూడా ఉన్నాయి.
Also Read : ఫ్రాంక్స్, పంచ్‌లను కూడా దాటి హ్యుందాయ్ క్రెటా రికార్డ్ !
4. విశాలమైన ఇంటీరియర్
హ్యుందాయ్ క్రెటా ఇంటీరియర్ కాంట్రాస్ట్, టెక్చర్‌తో డిజైన్ చేయబడింది. డాష్‌బోర్డ్‌లో డార్క్, లైట్ గ్రే టోన్‌లతో డ్యూయల్-టోన్ స్కీమ్, సాఫ్ట్-టచ్ కోటింగ్ ఉంది. క్రెటాలో ఐదుగురికి తగినంత స్పేస్ ఉంటుంది. ప్రతి సీటులోనూ కంఫర్ట్ ఉంటుంది. లాంగ్ డ్రైవ్‌లో కూడా అలసట అనిపించదు. ఇండియన్ మార్కెట్‌లో ఇది మారుతి గ్రాండ్ విటారా, టాటా హారియర్ వంటి బలమైన కార్లతో పోటీపడుతుంది.
5. ఎట్రాక్టివ్ డిజైన్
అప్‌డేటెడ్ హ్యుందాయ్ క్రెటాకు కొత్త ఎక్స్‌టీరియర్ డిజైన్ ఇచ్చారు. ముందు వైపు విశాలమైన, రెక్టాంగ్యులర్ గ్రిల్ కారు లుక్‌ను చాలా బాగుంది. 17-అంగుళాల అల్లాయ్ వీల్స్ దీనికి మరింత ఎట్రాక్టివ్ లుక్ ఇస్తాయి. ముందు, వెనుక LED లైట్ సిగ్నేచర్‌లు దీనిని మరింత ప్రత్యేకంగా చేస్తాయి. రోడ్డుపై క్రెటా ప్రెజెన్స్ చాలా బాగుంటుంది. ఇది రోడ్డుపై ఇతర ఎస్యూవీలలో ప్రత్యేకంగా కనిపిస్తుంది.
