Nara Lokesh: ఏపీ విద్యాశాఖ మంత్రి నారా లోకేష్ వినూత్నమైన విధానాలు చేపడుతున్నారు. విద్యాశాఖలో సమూల ప్రక్షాళన చేస్తున్నారు. సమర్థవంతమైన అధికారులకు బాధ్యతలు అప్పగిస్తున్నారు. సరిగ్గా పని చేయని వారికి సరైన స్థాయిలో పనిచేయని వారికి ట్రీట్మెంట్ ఇస్తున్నారు.
విద్య గురించి.. చదువు ఆవశ్యకత గురించి నారా లోకేష్ కు బాగా తెలుసు. పైగా మన విద్యా వ్యవస్థలో ఉన్న లోపాలు ఆయనకు ఒకరకంగా ఇబ్బందిగా మారాయి. అందువల్లే ఆంధ్రప్రదేశ్ రాష్ట్రంలో విద్యాశాఖలో సమూల మార్పులకు శ్రీకారం చుడుతున్నారు. అంతేకాదు మెగా డీఎస్సీ లో ఏకంగా వేలాది మంది నిరుద్యోగులకు ఉద్యోగాలు కల్పించారు. వారంతా కూడా లోకేష్ తలపెట్టిన విద్యా యజ్ఞంలో పాల్గొంటున్నారు. వైసిపి ఎన్ని రకాలుగా విమర్శలు చేసినప్పటికీ.. ఎన్ని విధాలుగా ఇబ్బందులు పెట్టినప్పటికీ లోకేష్ ముందుకు సాగిపోతూనే ఉన్నారు.
సోషల్ మీడియాలో నారా లోకేష్ యాక్టివ్ గా ఉంటారు. విద్యాశాఖకు సంబంధించిన సమస్యలు ఆన్లైన్ల ద్వారా తన దృష్టికి తీసుకువస్తే వెంటనే పరిష్కరిస్తుంటారు. తాజాగా ఒక వీడియో ఆయన కంటపడింది. బడికి వెళ్లాల్సిన వయసులో ఒక బాలుడు గొర్రెల కాపరిగా మారాడు. దీనికి సంబంధించిన వీడియో నారా లోకేష్ దృష్టికి వచ్చింది. దీంతో ఆయన ట్విట్టర్ వేదికగా ఆవేదన వ్యక్తం చేశారు. ప్రకాశం జిల్లా మద్దిపాడు మండలం రాచవారిపాలెంలో గొర్రెలను మేపుతున్న రామయ్య అనే బాలుడు వీడియో సోషల్ మీడియాలో విపరీతంగా సర్కులేట్ అయింది. దీంతో మంత్రి నారా లోకేష్ ట్విట్టర్ ఎక్స్ వేదికగా స్పందించారు. చిన్నారి పరిస్థితిని చూసి చలించి పోయారు. వెంటనే అతడికి అవసరమైన సహాయం అందించాలని జిల్లా కలెక్టర్ ను ఆదేశించారు.
నారా లోకేష్ విద్యా శాఖ మంత్రిగా బాధ్యతలు స్వీకరించిన తర్వాత.. వినూత్నమైన మార్పులకు శ్రీకారం చుడుతున్నారు. పాఠశాలలను బాగు చేస్తున్నారు. విద్య సదుపాయాలు మరింత మెరుగ్గా కల్పిస్తున్నారు. విద్యార్థులకు సంబంధించిన ప్రతి పథకాన్ని సక్రమంగా అమలయ్యే విధంగా చూస్తున్నారు. ప్రభుత్వ పాఠశాలలో చదువుతున్న విద్యార్థులు ఉత్తమ ఫలితాలు సాధించడానికి అవసరమైన విధానాలను అమలు చేస్తున్నారు. తద్వారా విద్య విషయంలో ఏపీ రాష్ట్రాన్ని మరో స్థాయికి తీసుకెళ్తున్నారు. నారా లోకేష్ ఆదేశాలతో జిల్లా కలెక్టర్ వెంటనే స్పందించారు. ఆ బాలుడి వివరాలు సేకరించి.. తల్లిదండ్రుల వివరాలు కనుక్కొని.. అతడిని స్థానికంగా ఉన్న పాఠశాలలో చేర్పించినట్టు తెలుస్తోంది.
I am shocked and deeply disturbed to see reports of this 8-year-old boy being made to herd goats, allegedly without adequate food or care, and crying to be taken home.
I request the District Collector Nellore to immediately reach out, verify the circumstances, ensure the child… https://t.co/exftR2OuuM
— Lokesh Nara (@naralokesh) October 1, 2026
