సభికులంతా సీఎం భార్యకు ఏమైందని చర్చించుకుంటున్నారు. ఈ నేపథ్యంలో కొంతమంది అధికారులు ఆమె కుడిచేయి బెనికిందని.. బాధతో ఉండడంతో కట్టు కట్టారని క్లారిటీ ఇచ్చారు
Written By:
Dharma , Updated On : June 23, 2023 / 01:07 PM IST
Follow us on
YS Bharati : ఏపీ సీఎం జగన్ సతీమణి భారతికి ఏమైంది? ఆమె కుడిచేతికి కట్టు ఎందుకు కట్టారు? కారణం ఏమిటి? ఇప్పుడు ఏపీలో ఇదే చర్చనీయాంశంగా మారింది. దీనిపై రకరకాల చర్చ నడుస్తోంది. సుప్రీం కోర్టు న్యాయమూర్తిగా జస్టిస్ ప్రశాంత్ కుమార్ మిశ్రా నియమితులైన సంగతి తెలిసిందే. అంతకు ముందు ఆయన ఏపీ హైకోర్టు ప్రధాన న్యాయమూర్తిగా ఉండేవారు. పదోన్నతిపై సుప్రీం కోర్టు న్యాయమూర్తిగా నియమితులయ్యారు. ఈ సందర్భంగా ఏపీ సర్కారు గౌరవార్థం గురువారం సాయంత్రం ప్రత్యేక కార్యక్రమాన్ని నిర్వహించింది. విజయవాడ ఏ కన్వెన్షన్ సెంటర్ ఇందుకు వేదికైంది.
కార్యక్రమానికి రాష్ట్ర గవర్నర్ అబ్దుల్ నజీర్ తో పాటు ఏపీ హైకోర్టు యాక్టింగ్ చీఫ్ జస్టిస్ ఆకుల వెంకట శేషసాయి, ఏపీ సీఎం జగన్ హాజరయ్యారు. సీఎం జగన్ భార్య భారతి పాల్గొన్నారు. తాడేపల్లి సీఎం క్యాంపు ఆఫీసు నుంచి ముఖ్యమంత్రి దంపతులు నేరుగా హాజరయ్యారు. ముందుగా జస్టిస్ ప్రశాంత్ కుమార్ మిశ్రా దంపతులకు జగన్ ఎదురెళ్లి స్వాగతం పలికారు. పుష్పగుచ్ఛం అందించి శుభాకాంక్షలు తెలిపారు. ఆత్మయ సత్కారం చేశారు. ఏపీ హైకోర్టు ప్రధాన న్యాయమూర్తిగా ఉంటూ పదోన్నతిపై సుప్రీం కోర్టు జడ్జిగా వెళ్లడంపై ఆనందం వ్యక్తం చేశారు.
అయితే కార్యక్రమానికి హాజరైన సీఎం జగన్ భార్య కుడిచేతికి కట్టు కట్టి ఉంది. ఆ కట్టుతోనే కార్యక్రమానికి భారతి హాజరయ్యారు. సభికులంతా సీఎం భార్యకు ఏమైందని చర్చించుకుంటున్నారు. ఈ నేపథ్యంలో కొంతమంది అధికారులు ఆమె కుడిచేయి బెనికిందని.. బాధతో ఉండడంతో కట్టు కట్టారని క్లారిటీ ఇచ్చారు. కీలక కార్యక్రమం కావడంతో ఆమె హాజరు అనివార్యంగా మారిందని.. అందుకే ఆమె కట్టుతో వచ్చారని చెప్పుకోవడంతో అక్కడున్న వారంతా ఊపిరిపీల్చుకున్నారు.
Dharma Raj is a Senior Journalist who has good experience in reporting and had worked with top Media Organizations. He Contributes articles on AP Politics.
